එලොන් මස්ක්ගේ සහායත් ලැබෙයිද? - ජෙන්සන් හුවාං යළි එන්වීඩියා පුටුවට එන ලකුණු

එන්වීඩියා (Nvidia) සමාගමේ ප්‍රධාන විධායක නිලධාරී ධුරයෙන් ඉවත් වූ ජෙන්සන් හුවාං යළි එම තනතුරට පත්කරන ලෙස ඉල්ලමින් සමාගම තුළින්ම හඬක් මතුව තිබේ.

එම උත්සාහයට ලොව ප්‍රමුඛ පෙළේ ව්‍යාපාරිකයෙකු වන එලොන් මස්ක් ද සහාය පළ කිරීමත් සමඟ මේ සම්බන්ධයෙන් තාක්ෂණික ක්ෂේත්‍රයේ දැඩි අවධානයක් යොමුව ඇත.

ජෙන්සන් හුවාං යළි එන්වීඩියා ප්‍රධාන විධායක නිලධාරී ධුරයට පත්කරන ලෙස ඉල්ලා ඉදිරිපත් කෙරෙන පෙත්සමකට තමන් ද අත්සන් තබන බව එලොන් මස්ක් පවසා තිබේ.

එමෙන්ම, හුවාං තමන්ගේ ආයතනයට බඳවා ගැනීමට හැකිවීම ගෞරවයක් බව ද මස්ක් සඳහන් කර ඇත. ඒ අනුව, එන්වීඩියා සමාගමේ නායකත්වය සම්බන්ධයෙන් මතුව ඇති අර්බුදය තවදුරටත් කතාබහට ලක්ව තිබේ.

ඉරාන යුද්ධය ගැන ට්‍රම්ප් සහ නෙතන්යාහු අතර දරුණු වාග් සංග්‍රාමයක්ද ඇතිවුණාද? - විදෙස් මාධ්‍ය හෙළිකරයි

ජෙන්සන් හුවාං යළි ගෙන්වන්නැයි සේවකයන්ගෙන් ඉල්ලීමක්

එන්වීඩියා සමාගමේ සේවකයන් පිරිසක් ද හුවාං යළි ප්‍රධාන විධායක නිලධාරී ධුරයට පත්කරන ලෙස සමාගමේ අධ්‍යක්ෂ මණ්ඩලයෙන් ඉල්ලීම් කර ඇති බව වාර්තා වේ.

දිගු කලක් එන්වීඩියා සමාගමේ සේවය කරන ඉංජිනේරුවෙකු විසින් අභ්‍යන්තරව ඉදිරිපත් කරන ලද සටහනකට අදහස් 1,600කට අධික සංඛ්‍යාවක් ලැබී තිබේ.

එහිදී සේවක මතයට අවධානය යොමුකරන ලෙස අධ්‍යක්ෂ මණ්ඩලයෙන් ඉල්ලා ඇති අතර, සේවකයන් රැසක් හුවාංගේ නැවත පැමිණීම වෙනුවෙන් අදහස් පළ කර ඇත.

එන්වීඩියා සමාගමේ ලොව පුරා සේවකයන් 42,000කට ආසන්න පිරිසක් සේවය කරන බව ද වාර්තා වේ.

හුවාං ධුරයෙන් ඉවත් වූයේ ඇයි?

වසර 33ක කාලයක් එන්වීඩියා සමාගමේ නායකත්වය දැරූ ජෙන්සන් හුවාං නොවැම්බර් 12 වැනිදා එම තනතුරෙන් ඉවත් වී තිබේ.

ඔහුගේ පෞද්ගලික සබඳතා සම්බන්ධයෙන් පළ වූ වාර්තා සහ චීන බුද්ධි අංශ සමඟ සබඳතා පැවැත්වූ බවට සැක කෙරෙන කාන්තාවක සම්බන්ධයෙන් මතුවූ චෝදනා මෙම තත්ත්වයට හේතු වී ඇති බව වාර්තා සඳහන් කරයි.

මේ සම්බන්ධයෙන් එන්වීඩියා සමාගම ස්වාධීන පරීක්ෂණයක් ආරම්භ කර තිබූ අතර, සමාගමේ රහස් තොරතුරු හෝ ජාතික ආරක්ෂාවට අදාළ තොරතුරු අවදානමකට ලක්වූ බවට විශ්වාස කිරීමට හේතුවක් නොමැති බව ද සමාගම පවසා තිබේ.

එන්වීඩියා නායකත්වයට තවත් අයෙකු ගැන අවධානය මේ අතර, ජෙන්සන් හුවාං වෙනුවට පත්කළ හැකි පුද්ගලයන් පිළිබඳව ද එන්වීඩියා අධ්‍යක්ෂ මණ්ඩලය සොයා බලමින් සිටින බව වාර්තා වේ.

අපට ඉරානය සමඟ ගිවිසුමක් අවශ්‍ය නැහැ ඒ සඳහා තිබූ කාලය අවසන්” - ට්‍රම්ප්ගේ ප්‍රකාශයත් සමඟ ලෝක වෙළෙඳපොළේ බොරතෙල් සහ ගෑස් මිල යළිත් ඉහළ යයි

ඒ අනුව, Arm Holdings සමාගමේ ප්‍රධාන විධායක නිලධාරී රෙනේ හාස් (Rene Haas) සමඟ ද මේ සම්බන්ධයෙන් සාකච්ඡා කර ඇති බව රොයිටර්ස් පුවත් සේවය, ෆයිනෑන්ෂල් ටයිම්ස් වාර්තා උපුටා දක්වමින් සඳහන් කර තිබේ.

රෙනේ හාස් 2013 වසරේ Arm සමාගමට එක්වීමට පෙර වසර හතක් එන්වීඩියා සමාගමේ සේවය කර ඇති අතර, එහි පරිගණක නිෂ්පාදන අංශයේ උප සභාපතිවරයා සහ සාමාන්‍යාධිකාරීවරයා ලෙස ද කටයුතු කර තිබේ.

ඔහු 2022 වසරේ Arm සමාගමේ ප්‍රධාන විධායක නිලධාරී ධුරයට පත්වූ අතර, 2023 වසරේ එම සමාගම Nasdaq කොටස් වෙළෙඳපොළේ ලියාපදිංචි කිරීමේ කටයුතු ද මෙහෙයවා ඇත.

කෙසේ වෙතත්, ඔහුට එන්වීඩියා ප්‍රධාන විධායක නිලධාරී ධුරය පිරිනමනු ඇති බවට හෝ ඔහු එය භාරගනු ඇති බවට මෙතෙක් තහවුරු වී නොමැත.

එන්වීඩියා සමාගම පවසා ඇත්තේ ස්ථිර ප්‍රධාන විධායක නිලධාරියෙකු තෝරාගැනීම සඳහා විධායක සෙවුම් ආයතනයක් පත්කිරීමට සූදානම් වන බවත්, තනි පුද්ගලයන් සම්බන්ධයෙන් පළවන අනුමාන කිරීම් තවමත් කල් වැඩි බවත්ය.

මේ අතර, සමාගමේ මූල්‍ය ප්‍රධානී කොලෙට් ක්‍රෙස් (Colette Kress) අන්තර්කාලීන ප්‍රධාන විධායක නිලධාරිනිය ලෙස කටයුතු කරයි.

අපට ඉරානය සමඟ ගිවිසුමක් අවශ්‍ය නැහැ ඒ සඳහා තිබූ කාලය අවසන්” - ට්‍රම්ප්ගේ ප්‍රකාශයත් සමඟ ලෝක වෙළෙඳපොළේ බොරතෙල් සහ ගෑස් මිල යළිත් ඉහළ යයි

එන්වීඩියා ඉදිරි නායකත්වය කාටද?

ජෙන්සන් හුවාං 1993 වසරේදී එන්වීඩියා සමාගම සම-ආරම්භ කළ අතර, එය කෘත්‍රිම බුද්ධි තාක්ෂණයේ වර්ධනයත් සමඟ ලොව ප්‍රමුඛතම තාක්ෂණික සමාගම් අතරට ගෙන ඒමට සමත් විය.

එම නිසා දශක තුනකට වැඩි කාලයක් සමාගම මෙහෙයවූ ඔහු එන්වීඩියා සමාගමේ අනන්‍යතාව, ව්‍යාපාරික උපායමාර්ග සහ වර්ධනය සමඟ දැඩිව බැඳී සිටින චරිතයක් බවට පත්ව සිටී.

කෙසේ වෙතත්, එලොන් මස්ක්ගේ සහාය සහ සමාගමේ සේවකයන්ගෙන් මතුව ඇති ඉල්ලීම් හමුවේ වුවද, ජෙන්සන් හුවාං යළි එම තනතුරට පත්කිරීමට තීරණය කර ඇති බවට එන්වීඩියා අධ්‍යක්ෂ මණ්ඩලය මෙතෙක් කිසිදු ප්‍රකාශයක් සිදුකර නොමැත.

ඒ අනුව, එන්වීඩියා සමාගමේ මීළඟ ස්ථිර නායකයා කවුරුන්ද යන්න පිළිබඳව තවදුරටත් අවිනිශ්චිතතාවක් පවතී.

විශේෂ නිවේදනයක් - තාක්ෂණික සන්නිවේදන බිඳවැටීමක් හේතුවෙන් වහාම සියලුම ගුවන් ගමන් අත්හිටුවයි