නිළි රැජිණියගේ වියෝව වෙනුවෙන් සංවේදි වූ හිටපු ජනපති මහින්ද සහ විපක්ෂ නායක සජිත්

දශක ගණනාවක් පුරා හෙළ සිනමාවේ නිළි රැජින ලෙස විරුධාවලියෙන් සැමගේ ආදරය දිනූ මාලනී ෆොන්සේකා මහත්මියගේ අභාවය පිළිබඳ හිටපු ජනාධිපති මහින්ද රාජපක්ෂණ මහතා ද ශෝකය පළ කර තිබෙනවා.

ඒ අනුව හිටපු ජනාධිපතිවරයා තම නිල ෆේස්බුක් ගිණුමේ සටහනක් තබමින් සඳහන් කර තිබුණේ මාලනී ෆොන්සේකා මහත්මියගේ අභාවය අසා මහත් සංවේගයට පත්වූ බවයි.

නාමල් රාජපක්ෂ අත්අඩංගුවට..? වැලිකඩ සුදානම්

ඒ අනුව එම ශෝක පණිවුඩය මෙසේ පහතින් උපුටා ඇත.

''සිංහල සිනමාවේ නිලි රැජින, සම්මානනීය නිළි මාලනී සෙනෙහෙලතා ෆොන්සේකා මහත්මියගේ අභාවය අසා මම මහත් සංවේගයට පත් වුණෙමි. වේදිකාවත්, ටෙලිනාට්‍ය ක්ෂේත්‍රයත්, විශේෂයෙන්ම රිදී තිරයත් තම අපූර්ව රංගන කෞෂල්‍යයෙන් හැඩ කළ ඇය මෙම ක්ෂේත්‍ර ත්‍රිත්වයෙහිම සම්මාන රැසක් හිමිකර ගත්තාය. චිත්‍රපට ක්ෂේත්‍රයේ දෙස් විදෙස් සම්මාන රැසක් හිමි කර ගැනීමට දක්ෂ වූ අග්‍රගණ්‍ය නිළි මාලනි ෆොන්සේකා මහත්මිය දශක ගණනාවක් පුරා ජනතාවගේ ආදරය සහ සෙනෙහස එක ලෙස දිනා ගැනීමට වාසනාවන්ත වූ රංගන වේදිනියකි. සිනමාවේ විවිධ අංශ පුරා සිය හැකියාවන් පෙන්වූ ඇය අධ්‍යක්ෂණයට සහ නිෂ්පාදනයට ද දායක වී ඇත. ඇය දේශපාලනයට පිවිසෙමින් පාර්ලිමේන්තු මන්ත්‍රීවරියක ලෙස පාර්ලිමේන්තුව ද නියෝජනය කළාය. සිංහල සිනමාවත් මාලනියත් වෙන් කළ නොහැකි යැයි මට සිතේ. සිනමාවේ බොහෝ රූප රාමු තුළ ඇය තම තාත්වික රංගන හැකියාව මැනවින් ඉදිරිපත් කළාය. හෙළ සිනමාව ඇයට ද, ඇය හෙළ සිනමාවට ද ආශිර්වාදයක් විය. 2010 වසරේදී දී ඇය ආසියාව තුළ මෙතෙක් බිහි වූ දැවැන්ත රංගන ශිල්පීන් 25 දෙනා ගෙන් අයෙක් බව ඇමරිකානු සී.එන්.එන් රූපවාහිනිය විසින් නම් කරනු ලැබීය. මාලනී ෆොන්සේකා මහත්මියගේ පවුලේ සියලු දෙනාටත්, ඇයගේ වියෝවෙන් ශෝකයට පත් කලාකරුවන්ටත්, රසික ප්‍රජාවටත් මම මගේ බලවත් ශෝකය ප්‍රකාශ කරමි. මාලනි සෙනෙහෙලතා ෆොන්සේකා මහත්මිය ජීවන රඟමඩලෙන් සමු ගත්ත ද සිංහල සිනමාව නම් රඟමඩල තුළ සදා වැජඹෙනු ඇත. හිතවත් රංග වේදිනියට නිර්වාණ සුවය ප්‍රාර්ථනා කරමි."

ළමයි ගැන අවධානෙන් ඉන්න...ප්‍රසිද්ධ උපකාරක පන්තිවලිනුත් නම්බර් උස්සලා ලිංගික හිංසා කරලා

එසේම ඇයගේ වියෝව සම්බන්ධයෙන් විපක්ෂ නායක සජිත් ප්‍රේමදාස මහතා ද මෙසේ තම සංවේගය ෆේස්බුක් ගිණුමේ සටහනක් ලෙස දක්වා තිබුණේ මෙලෙසින්.

''සිංහල සිනමාවටත්, අප රටටත් අතිමහත් සේවාවක් ඉටු කළ හෙළ සිනමා වංශ කතාවේ නිළි රැජිනිය ලෙසින් කිරුළු පැළදි සම්මානනීය, අග්‍රගණ්‍ය රංගන ශිල්පිනී මාලිනී ෆොන්සේකා මහත්මියගේ හදීසි අභාවය අසා මා අතිශය කණගාටුවට පත්වීමි. ඇගේ මේ අභාවය සම්බන්ධයෙන් ඇයගේ පවුලේ සැමටත්, හිතමිත්‍රාදීන් ඇතුළු රසික සමූහයට මාගේ සාතිශය සංවේගය පුදකර සිටිමි.''