හෝටලයක දෙවන මහලෙන් ඇද වැටී කුඩා දරුවකුට සිදුවූ අවාසනාවන්ත ඉරණම..

 අද (14) අලුයම අහුංගල්ලේ සංචාරක හෝටලයක නැවතී සිටි කුඩා දරුවෙක් හෝටලයේ දෙවැනි මහලෙන් ඇදවැටී තිබෙනවා.

කුරුණෑගල ප්‍රදේශයේ සිට පැමිණි පවුලක සිව් හැවිරිදි දරුවෙකු එලෙස ඇදවැටී ඇති බවයි අප වාර්තාකරු පැවසුවේ.

අනතුරින් තුවාල ලැබු දරුවා බලපිටිය මුලික රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සඳහා ගාල්ල කරාපිටිය රෝහල වෙත මාරු කර යවා තිබෙනවා.

කුරුණෑගල ප්‍රදේශයේ පවුල් 4ක පමණ සාමාජිකයින් පිරිසක් නිවාඩුව ගත කිරීම සඳහා අදාළ හෝටලයට ගොස් සිටිය දී මෙම අනතුර සිදුව තිබෙන අතර අනතුර සිදුව ඇත්තේ පියා සහ සහෝදරයා සමග හෝටලයේ දෙවැනි තට්ටුවේ කාමරයක නිදා සිටි දරුවා කාමරයෙන් ඉවතට පැමිණ හෝලයේ කොරිඩෝව දිගේ ඇවිද යෑමේ දීයි.