ප්‍රමුඛතාව මත මේ අයට පළමුව තෙල් දීමේ විශේෂ වැඩපිළිවෙළක් - වහාම ඔබේ තොරතුරු ලබා දෙන්න - රජයෙන් නිවේදනයක්

ශ්‍රී ලංකා අපනයන සංවර්ධන මණ්ඩලයේ (EDB) සභාපති මංගල විජේසිංහ මහතා පවසන්නේ මැද පෙරදිග පවතින නොසන්සුන්කාරී තත්ත්වය හේතුවෙන් මෙරට තුළ උද්ගතව ඇති ඉන්ධන හිඟයට පිළියමක් ලෙස, අපනයනකරුවන් සඳහා ප්‍රමුඛතා පදනම මත ඉන්ධන ලබාදීමේ විශේෂ වැඩපිළිවෙළක් ආරම්භ කර ඇති බවයි.

රජයේ මැදිහත්වීම යටතේ ක්‍රියාත්මක වන වැඩසටහනේ මූලික අරමුණ වන්නේ මෙරට ආර්ථිකයේ ප්‍රධානතම අංශය වන අපනයන ක්ෂේත්‍රය සුරක්ෂිත කිරීමයි. ඒ අනුව, ඇඟලුම්, තේ, කුළුබඩු ඇතුළු ප්‍රධාන ක්ෂේත්‍රවල නියුතු අපනයනකරුවන් 4,500කට අධික පිරිසකට තම කර්මාන්ත කටයුතු සඳහා අවශ්‍ය ඉන්ධන තොග කිසිදු ප්‍රමාදයකින් තොරව ලබා ගැනීමට මෙහිදී ප්‍රමුඛතාවය හිමි වේ.

මේ අයට ඉන්ධන සහන - දවස් 5කට ලීටර් 25ක් ලබාදීමේ සූදානමක්

මේ සම්බන්ධයෙන් අදහස් දක්වමින් සභාපති මංගල විජේසිංහ මහතා අවධාරණය කළේ කර්මාන්ත හා ව්‍යවසායකත්ව සංවර්ධන අමාත්‍යාංශය මේ වන විටත් අපනයනකරුවන්ගෙන් අවශ්‍ය දත්ත රැස් කරමින් සිටින බවයි.

“ඔබ මෙතෙක් ඔබේ තොරතුරු ඉදිරිපත් කර නොමැති නම්, වහාම එම තොරතුරු ලබා දීමට කටයුතු කරන්න,” යැයි ඔහු අපනයනකරුවන්ගෙන් ඉල්ලා සිටියි. ගෝලීය වශයෙන් ඉන්ධන මිල ඉහළ යමින් පවතින අවස්ථාවක මෙරට අපනයනකරුවන්ගේ ජාත්‍යන්තර තරඟකාරිත්වය පවත්වා ගැනීම සඳහා මෙම වැඩපිළිවෙළ තීරණාත්මකයි.

සභාපතිවරයා වැඩිදුරටත් ප්‍රකාශ කර ඇත්තේ “අපනයන කටයුතු කිසිදු බාධාවකින් තොරව අඛණ්ඩව කරගෙන යාම සඳහා අවශ්‍ය සියලු පහසුකම් සැපයීමට අපි බලාපොරොත්තු වෙමු,” ලෙසයි.

QR ප්‍රශ්ණේ ඉවරයි - කලින් QR කේතය නැවත ගන්න Override ක්‍රමයක් රජයෙන්