කටාන නගරයට කරන්න යන දේ මෙන්න.

ඉදිරි දස වසර තුළ කටාන ගුවන් නගරයක් ලෙස සංවර්ධනය කිරීමට නාගරික සංවර්ධන හා නිවාස අමාත්‍ය ප්‍රසන්න රණතුංගගේ උපදෙස් පරිදි නාගරික සංවර්ධන අධිකාරිය ඊට අදාළ සංවර්ධන සැලැසුම් කෙටුම්පත සකස් කර තිබෙනවා.

ඒ, අනුව කෙටුම්පත් කළ කටාන නගර සංවර්ධන සැලැස්ම සඳහා මහජන නියෝජිතයින්ගේ සහ නිලධාරීන්ගේ අදහස් හා යෝජනා ලබා ගැනීම පසුගිය දා නාගරික සංවර්ධන අධිකාරියේ ශ්‍රවණාගාරයේදී සිදු කෙරුණා.

කටුනායක සීදූව නගර සභාව සහ කටාන ප්‍රාදේශීය සභාව යන බල ප්‍රදේශය 2 සඳහා කටාන නගර සංවර්ධන සැලැස්ම සකස් කර ඇති අතර එය 2023 සිට 2033 දක්වා ක්‍රියාත්මක වේ.

මෙහි අරමුණ වන්නේ කටුනායක සීදූව බල ප්‍රදේශය ප්‍රවාහන, ගුවන් භාණ්ඩ හා සංචාරක සේවා සපයන ලොව පිළිගත් ගුවන් පුරයක් බවට පත් කිරීම සහ කටාන බල ප්‍රදේශය ස්වයංපෝෂිත ආර්ථිකයක් සහිත සුවපහසු නගරයක් බවට පත් කිරීමයි.