පොලිස් වෛද්‍ය සේවාවට වෛද්‍යවරුන් 25ක් බඳවා ගැනීමට අයදුම්පත් කැඳවයි

ශ්‍රී ලංකා පොලිස් දෙපාර්තමේන්තුවේ වෛද්‍ය සේවා අංශය සඳහා සුදුසුකම් ලත් වෛද්‍යවරුන් 25 දෙනෙකු බඳවා ගැනීමට අයදුම්පත් කැඳවා ඇති බව පොලිස් මාධ්‍ය ප්‍රකාශකයා සඳහන් කරයි.

මෙම බඳවා ගැනීම් සඳහා උපදේශක ශල්‍ය වෛද්‍යවරුන්, වෛද්‍යවරුන්, විකිරණවේදීන්, සායනික පෝෂණවේදීන්, නිර්වින්දන වෛද්‍යවරුන්, වෛද්‍ය නිලධාරීන් සහ දන්ත වෛද්‍යවරුන් ඇතුළු තනතුරු සඳහා පුරප්පාඩු පවතී.

සම්පූර්ණ නිවේදනය 2025 සැප්තැම්බර් 26 දිනැති රජයේ ගැසට් පත්‍රයේ අංක 2456හි ප්‍රකාශිත වී ඇති අතර, අයදුම්පත් භාරගැනීමේ අවසාන දිනය 2025 ඔක්තෝබර් 27 දක්වා වේ.

පියුමි හංසමාලිගේ ක්‍රීම් එක චෙක්කරන්න රස පරීක්ෂකට යවයි

විශේෂඥ වෛද්‍යවරුන් උප සේවා ජ්‍යෙෂ්ඨ පොලිස් අධිකාරී (SSP) තනතුරටත්, වෛද්‍ය නිලධාරීන් සහ දන්ත වෛද්‍යවරුන් උප සේවා සහකාර පොලිස් අධිකාරී (ASP) තනතුරටත් බඳවා ගැනේ.

රාජ්‍ය සහ පෞද්ගලික අංශයන්හි සේවය කරන අයදුම්කරුවන්ට මෙයට අයදුම් කළ හැකි අතර, වැඩි විස්තර සඳහා 071-8591923 හෝ 011-2552953 අමතන්න. එසේම පොලිස් නිල වෙබ් අඩවිය වන www.police.lk වෙත පිවිසෙන්න. 

විරෝධතා මැද ‘වටවල තේ’ LGBTQI තේමා කෙටි චිත්‍රපටය ඉවත්කර ගනී

යහමින් මුදල් ලැබෙන අතමිට සරු සාරවන දියුණුවේ දොරගුලු විවර අද දවස