ඉන්ඩිගෝ ගුවන් සේවයේ දැඩි බිඳවැටීමක් - සියලු දේශීය ගුවන් ගමන් අවලංගුයි

ඉන්දියාවේ ඉන්ඩිගෝ (IndiGo) ගුවන් සේවය දිල්ලියේ සිට ආරම්භ වන සියලුම දේශීය ගුවන් ගමන් අවලංගු කර ඇත. ඉකුත් දින දෙක තුළ ආසන්න ලෙස ගුවන් ගමන් 500 ක් පමණ අවලංගු කිරීම නිසා මෙම ගුවන් සේවය දැඩි මෙහෙයුම් බිඳවැටීමකට මුහුණ දී තිබෙනවා.

එහි ප්‍රතිඵලයක් වශයෙන් ප්‍රධාන ගුවන් තොටුපළවල් හයකදී එහි නියමිත වේලාවට ක්‍රියාත්මක වීමේ කාර්ය සාධනය 8.5% දක්වා තියුණු ලෙස පහත වැටී ඇත.

මේ අතර සිවිල් ගුවන් සේවා අධ්‍යක්ෂ ජනරාල් (DGCA) විසින් දිනපතා සිදුවන ගුවන් ගමන් 170–200 ක අසාමාන්‍ය වශයෙන් ඉහළ අවලංගු කිරීම් සංඛ්‍යාවක් උපුටා දක්වමින් ගුවන් සේවයේ ඉහළ කළමනාකාරීත්වය සමඟ සවිස්තරාත්මක සමාලෝචනයක් ආරම්භ කර ඇති බව වාර්තා වේ.

මෙම පුළුල් බාධාවන්ට හේතුව වී ඇත්තේ ගුවන් ගමන් රාජකාරි කාල සීමාවන් (FDTL) පිළිබඳ ප්‍රමිතීන්හි දෙවන අදියර ක්‍රියාත්මක කිරීමේදී ඇති වූ වැරදි තීරණ ගැනීම සහ සැලසුම්ගත හිඩැස් බව නිසා බව IndiGo මඟින් පිළිගෙන ඇති බව වාර්තා වේ.

කටුනායක ගුවන් තොටුපොළ තුළදී විදෙස් කතකට දරු ප්‍රසූතියක්

ගුවන් සේවය ප්‍රකාශ කර ඇත්තේ තම ජාලය සැලකිය යුතු ලෙස බිඳවැටී ඇති බවත්, ඒ සම්බන්ධයෙන් පාරිභෝගිකයින්ගෙන් සමාව ඉල්ලා සිටින බවත් ය.

ඒ අනුව IndiGo විසින් සිවිල් ගුවන් සේවා අධිකාරිය වෙත දැනුම් දී ඇත්තේ දෙසැම්බර් 8 වනදා සිට ගුවන් ගමන් කප්පාදු කිරීමට බලාපොරොත්තු වන බවත්, ස්ථාවර මෙහෙයුම් සම්පූර්ණයෙන් යථා තත්ත්වයට පත් වනු ඇතැයි අපේක්ෂා කරන්නේ 2026 පෙබරවාරි 10 වනදා වන විට පමණක් බවයි.

මේ අතර, පසුගිය දින දෙක තුළ IndiGo මඟින් ගුවන් ගමන් 500ක් පමණ අවලංගු කිරීම පිළිබඳව රාජ්‍ය සභාවේදී ද සාකච්ඡාවට ලක්ව තිබුණා.

එහිදී කොංග්‍රස් පක්ෂයේ සාමාජික ප්‍රමෝද් තිවාරි සඳහන් කළේ මෙම අවලංගු කිරීම් නිසා සති අන්තය සඳහා ගමන් සැලසුම් කර තිබූ මන්ත්‍රීවරුන්ට මෙන්ම සාමාන්‍ය පුරවැසියන්ට ද බලපෑම් එල්ල වූ බවයි.

එසේම ඉන්ඩිගෝ ගුවන් සේවයේ (IndiGo) මේ වන විට පවතින දැවැන්ත මෙහෙයුම් බිඳවැටීම්වලට හේතු ලෙස ගුවන් සේවය මඟින් නොසිතූ මෙහෙයුම් අභියෝග රාශියක් උපුටා දක්වා ඇත.

ඒ අතරට සුළු තාක්ෂණික ගැටලු, ශීත සෘතු කාලසටහන් වෙනස්කම්, අයහපත් කාලගුණය සහ ගුවන් තොටුපළවල අධික තදබදය ඇතුළත් බව සඳහන්.

මේ පාසල් 16 වැනිදාත් පටන් ගන්නේ නෑ - ප්‍රසන්න

එහෙත් මෙම බාධාවන්ට පිටුපස ඇති ප්‍රධානතම හේතුව නම් ගුවන් නියමුවන්ගේ සහ කාර්ය මණ්ඩලයේ ආරක්ෂාව වැඩි දියුණු කිරීමේ අරමුණින් සිවිල් ගුවන් සේවා අධ්‍යක්ෂ ජනරාල් (DGCA) විසින් 2024 ජනවාරි මාසයේදී ක්‍රියාත්මක කරන ලද නව ගුවන් ගමන් රාජකාරි කාල සීමාවන් පිළිබඳ නීති රීති වේ.

නව FDTL නීති යටතේ සිදු කර ඇති ප්‍රධාන වෙනස්කම් අතරට දිගු සතිපතා විවේක කාල සීමාවන්, රාත්‍රී ගොඩබෑම් සංඛ්‍යාව අඩු කිරීම, ගුවන් නියමුවන්ගේ රාත්‍රී වැඩ මුර අඩු කිරීම (එක් නියමු කාල සටහනකට රාත්‍රී මුර හය සිට දෙක දක්වා කපා හැරීම) වැනි තීරණ ඇතුළත් බව වාර්තා වේ.

ඒ අනුව IndiGo ගුවන් සේවය අපේක්ෂා කරන්නේ සාමාන්‍යකරණය වූ සහ ස්ථාවර කාලසටහන් වෙත යළි පැමිණීමට හැකි වන්නේ 2026 පෙබරවාරි 10 වනදා වන විට පමණක් බවයි.

එමෙන්ම මෙම කාලසටහන් යළි සකස් කිරීමේදී තවත් දින දෙක තුනක් වෙනුවෙන් අතිරේක ගුවන් ගමන් අවලංගු කිරීම් සිදුවිය හැකි බවද පවසයි.

වෙන්න ගිය විනාසේ කලින්ම දැනුවත් කරාලු ඉන්දියාවෙන් කියයි