ට්‍රම්ප්ට එරෙහිව දෝෂාභියෝගයක්

ඉරානයට එල්ල කළ ප්‍රහාර සම්බන්ධයෙන් ඩිමොක්‍රටික් පක්ෂයේ නායකයින් දැඩි විරෝධයක් පළ කර ඇති අතර, ඇතැම් මන්ත්‍රීවරුන් ජනාධිපති ට්‍රම්ප්ට එරෙහිව දෝෂාභියෝගයක් ගෙන ඒමට පවා මෙය ප්‍රමාණවත් හේතුවක් බව පවසා තිබෙනවා.

සෙනෙට් සභා ඩිමොක්‍රටික් නායක චක් ෂූමර් මහතා ජනාධිපතිවරයාට එක්සත් ජනපද හමුදාව භාවිතා කිරීමේ හැකියාව සීමා කරන යුද බලතල පනත (War Powers Act) බලාත්මක කරන ලෙස ඉල්ලා සිටියා.

ඔහු පැවසුවේ කිසිදු ජනාධිපතිවරයෙකුට අවිධිමත් තර්ජන සහ කිසිදු උපාය මාර්ගයකින් තොරව, යුද්ධයක් වැනි බරපතල කාරණාවක් සඳහා ඒකපාර්ශ්විකව මෙම ජාතිය මෙහෙයවීමට ඉඩ නොදිය යුතු බවයි.

ඉරානයේ රැඳී සිටින ලාංකිකයන් ගැන අමාත්‍යාංශයෙන් හෙළිදරව්වක්

කොංග්‍රස් මන්ත්‍රීවරියක වන ඇලෙක්සැන්ඩ්‍රියා ඔකාසියෝ-කෝටෙස් මහත්මිය කියා සිටියේ, ට්‍රම්ප් පරම්පරා ගණනාවක් පුරා අපව ගිල ගැනීමට ඉඩ ඇති යුද්ධයක් දියත් කිරීමට ඉක්මන් වී ඇති බවයි.

ඇය වැඩිදුරටත් කියා සිටියේ මෙය දෝෂාභියෝගයක් සඳහා වන නිරපේක්ෂ හා පැහැදිලි පදනමක් බවයි.

අමෙරිකානු නාවික හමුදා නැව්වලට මිසයිල ප්‍රහාර එල්ල කළ යුතුයි – ඉරානය [UPDATE @8.

කොංග්‍රස් මන්ත්‍රීවරියක වන ඉල්හාන් ඕමාර් මහත්මිය පැවසුවේ, ඉරානයට එල්ල කළ ප්‍රහාර මැද පෙරදිග දැනටමත් පවතින අස්ථාවර ගැටුමක භයානක හා අවදානම් සහගත උත්සන්නවීමක් සනිටුහන් කරන බවත් තවදුරටත් ජීවිත හානි සිදුවීමට පෙර මෙම උමතුව අවසන් කරන ලෙසයි ඇය ඉල්ලා සිටින්නේ.

එමෙන්ම කොංග්‍රස් මන්ත්‍රීවරියක වන යස්සාමින් අන්සාරි මහත්මිය ට්‍රම්ප්ගේ ක්‍රියාව නීති විරෝධී බව ප්‍රකාශ කළ අතර යුද බලතල යෝජනාව සම්බන්ධයෙන් ඡන්දය ප්‍රකාශ කිරීම සඳහා කොංග්‍රස් හදිසි සැසියක් වහාම කැඳවන ලෙස ඉල්ලා සිටින බව පවසනවා. 

"මතක තබා ගන්න, තවත් බොහෝ ඉලක්ක ඉතිරිව ඇත" - ට්‍රම්ප්ගෙන් ඉරානයට දැඩි අනතුරු ඇඟවීමක්