ලෝක තෙල් වෙළෙඳපොළ උණුසුම් වෙයි - හදිසි සංචිත මුදාහැරීම ඇරඹේ

ලෝක වෙළෙඳපොළේ ඇතිව ඇති බලශක්ති අර්බුදය හමුවේ ජාත්‍යන්තර බලශක්ති ඒජන්සිය (IEA) තම සාමාජික රටවල හදිසි තෙල් සංචිතවලින් තෙල් බැරල් මිලියන 400ක් මුදාහැරීමට තීරණය කර තිබේ.

මෙම තීරණය මාර්තු 11 වැනිදා ජාත්‍යන්තර බලශක්ති ඒජන්සියහි සාමාජික රටවල් 32කින් සමන්විත මණ්ඩලය විසින් එකඟතාවයෙන් ගනු ලැබූ අතර, මැදපෙරදිග යුද්ධය හේතුවෙන් ඇතිව ඇති සැපයුම් බාධක හමුවේ තෙල් මිල ඉහළ යාම පාලනය කිරීමට මෙය ක්‍රියාත්මක කෙරේ.

ඒ අනුව ඉතා ඉක්මනින් මෙම තෙල් තොග ලෝක වෙළෙඳපොළට මුදාහැරීම ආරම්භ වනු ඇති බව ජාත්‍යන්තර බලශක්ති ඒජන්සිය ප්‍රකාශ කර තිබේ. එක්සත් ජනපදය, එක්සත් රාජධානිය, ජපානය ඇතුළු ධනවත් රටවල් මෙම මුදාහැරීමට ප්‍රමුඛ වශයෙන් දායක වන අතර, එක්සත් ජනපදයෙන් බැරල් මිලියන 172ක්, ජපානයෙන් මිලියන 80ක් පමණ ලබාදීමට සැලසුම් කර තිබේ.

ලෝක යුද්දේ හරි වගේ - සුළු මොහොතකට පෙර ඇමරිකානු පුහුණුවකට උතුරු කොරියාවෙන් බැලැස්ටික් මිසයිලය ප්‍රහාරයක්

මෙම මුදාහැරීම 2022දී රුසියාවගේ යුක්‍රේන ආක්‍රමණයට ප්‍රතිචාරයක් ලෙස මුදාහැරූ බැරල් මිලියන 182.7 ට වඩා දෙගුණයකටත් වැඩි ප්‍රමාණයකි. එය ජාත්‍යන්තර බලශක්ති ඒජන්සිය ඉතිහාසයේ විශාලතම හදිසි තෙල් මුදාහැරීම ලෙස සැලකේ.

මැදපෙරදිග යුද්ධය (විශේෂයෙන් ඉරානය සමඟ ඇති ගැටුම් හේතුවෙන්) ආරම්භ වී සති දෙකකට පසු මේ වන විට ලෝක තෙල් මිල පමණක් 25%කින් පමණ ඉහළ ගොස් ඇති බව වාර්තා වේ. හෝමුස් සමුද්‍ර සන්ධිය හරහා ලෝක තෙල් හා ගෑස් සැපයුම්වල ප්‍රමාණවත් කොටසක් බාධා වී ඇති නිසා මෙම තත්ත්වය උත්සන්න වී තිබේ.

මුදල් හා වටිනා අවස්ථා ඔබ වෙත ඇදෙන ලග්න ටික මෙන්න