“හා නංගියේ මම එන්නම්” බිරිදගේ තනියට ආ මිතුරිය සැමියා සමග කරපු දේ..

දුර බැහැර රක්ෂක සේවයක නියුතු නිලධාරියකු සමග විවාහ වී සිටි 28 හැවිරිදි කාන්තාවක සිය සැමියා අසනීප වී රෝහල් ගත කර ඇති බවට පණිවිඩයක් ලැබීම නිසා සැමියා බැලීමට පසු දින පාන්දරම නිවසින් පිටත් වූයේ සිය පස් මස් වියැති බිලිඳා සමග අසල නිවසක හිතවත් කාන්තාවකද ගමනට එක් කර ගනිමිනි. 

   විවාහක කාන්තාවක වූ එම කාන්තාවද එක පයින් ගමනට කැමැති වූයේ “හා නංගියේ මම එන්නම්” කියමිනි. එදින මොවුන් දුර බැහැර ගෙවා සැමියා සිටි රෝහල කරා යන විටත් ටිකට් කපා​ෙගන තිබීම නිසා සැමියා කැටුව ඔහුගේ නිල නිවස කරා ගියේ එදින රාත්‍රී එහි ගත කර පසු දින සැමියා සමඟ ගමට යන අදහසිනි. 

 ඇය සමග ගමනට එක්වූ ඇගේ යෙහෙළිය පෙර දිනක දැක නොතිබූ සැමියා ‘කවුද මේ’ කියා බිරිඳගෙන් විමසූ කල “අපේ ගමේ අක්කා කෙනෙක්” කියා බිරිඳ කී නිසා නිල නිවසේ වෙනත් කාමරයක් ඇයට නිදා ගැනීම සඳහා සූදානම් කර දෙන ලෙස බිරිඳට පැවැසීය. රාත්‍රී ආහාරයෙන් පසු බිරිඳ අල්ලපු කාමරය යෙහෙළිය සමග අස්පස් කර ඇයට නිදා ගැනීමට ඉඩ සලසා දුන්නාය.

ඔවුන් නිදාගන සිටියදී රාත්‍රී දොළහට පමණ සිය බිලිඳා අවදිවීම නිසා බිරිඳ අවදි වී වටපිට බලන විට තමා සමඟ යහනේ නිදා සිටි සැමියා නොමැති බව දුටුවාය. සැමියා කොහේ ගියා දැයි මොහොතක් කල්පනා කළ ඇය අල්ලපු කාමරයෙන් ශබ්දයක් ඇසී විපරම් කර බැලුවාය. දොර අඩවල් කර ඇති නිසා යෙහෙළිය නිදා සිටි කාමරයට එබී බැලූ ඇය සැමියා එහි සිටින බවත් යෙහෙළිය නිරුවතින් දොර මුල්ලේ සැඟවුණ බවත් දැක පරල වූවාය.

යෙහෙළියගේද තරම දත් ඇය වඩා තදින් කිපුනාය. යෙහෙළියගේ චරිතය ඇය දැන සිටියත් තනි නොතනියට ඇය එක්කර ගත්තේ මෙවැනි සිදුවීමක් හීනෙකින්වත් බලාපොරොත්තු නොවූ නිසාය. තහනම් ගහේ ගෙඩි කෑමට ගිය සැමියා කාමරයෙන් පැන දිව් අතර අතට හසු වූ බෝතල්වලින් බිරිඳ තමා හා පැමිණි කාන්තාවට පහර දෙන්නට වූවාය.

මෙම කලබගෑනිය ඇසුණ නිල නිවාසවල නිදාගන සිටි නිලධාරීහු පැමිණ කාරණය විමසන්නට වූහ. බිරිඳ හඬමින් කාරණය විස්තර කළ පසු ඉහළ නිලධාරීහු ප්‍රශ්නය සමථයකට පත් කිරීමට උත්සාහ කළහ. ඉහළ නිලධාරියකු සැමියාගෙන් කාරණය විමසූ කල ඔහු කියා සිටියේ රාත්‍රියේ තමා හා බිරිඳ නිදා සිටි කාමරයට හිමින් සීරුවේ පැමිණි මෙම කාන්තාව තමාගේ කකුලෙන් ඇද්ද බවයි. 

ඉන්පසු ඇය නිදා සිටි කාමරයට අඬගැසූ බවද කීවේය. එන්න එන්නම ප්‍රශ්නය දරුණු අතට හැරුණු තැන නිලධාරීන් විසින් උදෑසනම වාහනයක් ගෙන්වා ඔවුන් ගම බලා පිටත් කළහ. යෙහෙළිය මහ මග දමා පිටත් වූ බිරිඳ හා සැමියා ගමට යන තුරුම රණ්ඩුවෙමින් ගිය අතර සැමියා ඔහුගේ ගමටත් බිරිඳ ඇගේ මහ ගෙදරටත් යන්නට ගියහ. 

එතැනින් අවසානය සනිටුහන් කළ විවාහය අධිකරණය දක්වා ගියේ පස් මස් වයසැති බිලිඳාට වන්දි ලබා ගැනීමට නඩුවක් ගොනු කරමිනි. දරුවාට වන්දි ගෙවන්නට තීන්දු වූ අතර සැමියා වෙනත් විවාහයක් කර ගත්තේය. මෙම සිද්ධිය කුලියාපිටිය ප්‍රදේශයෙන් අසන්නට ලැබුණකි.