විදුහල්පතිවරුන්ට සුබ ආරංචියක්...
Parami Dissanayake
විදුහල්පති සේවයේ උසස්වීම් ලබාගැනීම සඳහා මෙතෙක් පැවති ඉංග්‍රීසි භාෂාව ප්‍රශ්න පත්‍රය ඉවත් කිරීමට අධ්‍යාපන අමාත්‍යාංශය තීරණය කර තිබෙනවා.
ඊට හේතුව ලෙස එම අමාත්‍යාංශය දක්වා ඇත්තේ, විදුහල්පති සේවයේ විශාල පිරිසක් එම ඉංග්‍රීසි භාෂා ප්‍රශ්න පත්‍රය අසමත් වීමත් විදුහල්පති සේවයේ වෘත්තිය සංගම්වල දැඩි ඉල්ලීමත් හේතුවෙනි.
ඉංග්‍රීසි භාෂාවට අමතරව උසස්වීම් ලබාගැනීම සඳහා කාර්යක්ෂමතා කඩඉම් විභාගය ද සමත් වීම අනිවාර්ය වූ අතර, නව තීරණයට අනුව කාර්යක්ෂමතා කඩඉම් විභාගය සමග සරල ඉංග්‍රීසි භාෂා ප්‍රශ්න පත්‍රයක් සකස් කිරීමට නියමිත ව ඇත.
මේ අතර විදුහල්පති සේවයට බඳවා ගැනීමේදී හා උසස්වීම්වලට අදාළව මෙතෙක් පැවති සිංහල හා දෙමළ මාධ්‍ය විභාගවලට අමතරව ඉංග්‍රීසි මාධ්‍යයෙන්ද විභාග පැවැත්වීමට අමාත්‍යාංශය තීරණය කර තිබෙනවා.
නව ක්‍රමයට අනුව විදුහල්පති සේවයට බඳවා ගැනීමේ ප්‍රථම විභාගය මෙම වසර අවසානයට පෙර පැවැත්වීමට නියමිතව ඇත.
කෙසේ වෙතත්, මේ වන විටද විදුහල්පති සේවයේ තුන්වැනි ශ්‍රේණියේ පුරප්පාඩු සංඛ්‍යාව 1800ක් දක්වා ඉහළ ගොස් තිබේ.
![ජාත්‍යන්තර කම්කරු දිනය අදයි[VIDEO]](https://cdn.ibcstack.com/article/643851d1-01af-4bfe-abfe-597fa15f06c8/25-6812d9fa6cfdb-sm.webp)
![මළගෙදර පිහි ඇනුමකින් තවත් මළගෙයක් [PHOTO]](https://cdn.ibcstack.com/article/ed9519b0-6448-4fa1-b4f6-ebe4b607a9c4/25-68162f971cb14-sm.webp)
