රන් දිනූ රන්සිළු ලංකාවට

 ඇමෙරිකාවේ පැවති 38 වන “ආර්නෝල්ඩ් ක්ලැසික් ස්පෝට්ස් ” ( Arnold Classic Sports ) තරගාවලියට ආසියානූ මහාද්වීපය නියෝජනය කරමින් සහභාගී වූ , ශ්‍රී ලංකාවේ රන්සිළු ජයතිලක , එහිදී රන් පදක්කම් දෙකක් සහ ” ප්‍රෝ ” ඉසවේ බද පටිය ද දිනා ගෙන අද (18) අලුයම කටුනායක ගුවන් තොටුපොළ වෙත පැමිණ තිබේ .

එය ලොව විශාලතම කායවර්ධන සහ සවිඑසවීමේ තරගාවලියයි 

මෙම තරගාවලිය සුදුසුකම් සපුරා ඇති ලෝකයේ රටවල් 10 ක ක්‍රීඩකයින් පමණක් සහභාගී වී ඇත.

එය ඉකුත් 03/06 දින සිට 03/10 දින දක්වා ඇමෙරිකාවේ ඔහියෝ නුවර පවත්වා තිබුණි . මෙම තරගාවලියට සමස්ථ ආසියානූ මහාද්වීපය නියෝජනය කරමින් සහභාගී වීම සදහා සුදුසුකම් ලබා තිබුණේ ශ්‍රී ලංකාවේ රන්සිළු ජයතිලකයි.

එහිදී ” ඩෙඩ් ලිෆ්ට් ” ඉසව්වෙන් තරග කළ රන්සිළු , කිලෝ ග්‍රෑම් 320 ක් ඔසවමින් ඇමෙරිකානු ක්‍රීඩකයා පරාජයට පත් කරමින් රන් පදක්කම දිනා ගැනීමට සමත් ව ඇත.

  එසේම මෙම තරගාවලියේ පැවති ” සවිඑසවීමේ ” ( Power Lifting ) ඉසව්වෙන් කිලෝ ග්‍රෑම් 720 ක් ඔසවමින් මැක්සිකානු ක්‍රීඩකයා පරාජයට පත් කරමින් රන් පදක්කම දිනා ගැනීමට රන්සිළු සමත් විය.

වනිඳුගේ IPL බලාපොරොත්තුව අහිමිවෙයි - දුනිත්ට PSL වරම්

එම ජයග්‍රහණයන් දෙකත් සමග රන්සිළු ජයතිලක වෙත ” ප්‍රෝ ” බද පටිය දිනා ගැනීමට අවස්ථාව හිමි ව ඇත. මෙවන් උසස් ජයග්‍රහණයන් ශ්‍රී ලාංකික සවි එසවීමේ ක්‍රීඩකයෙකු හිමි කර ගත් පළමු අවස්ථාව මෙය බව වාර්තා වේ.

ලංකා ක්‍රිකට් ඉතිහාසයේ නොමැකෙන සංධිස්ථානයක් සනිටුවහන් කළ ජයග්‍රහණයට අදට වසර 30ක්