හොඳම යාලුවා මිනීමරුවෙක් වුණු වැල්ලවත්තේ ඛේදවාචකය

මිතුරන් දෙදෙනෙකු අතර ඇති වූ බහින්බස්වීමක් දුරදිග යාමෙන් එක් අයෙකු පොල්ලකින් පහරදී ඝාතනය කර තිබේ . ඊයේ (09) රාත්‍රී කාලයේ වැල්ලවත්ත පොලිස් වසමේ ෆෙඩ්රිකා පාර ප්‍රදේශයේදී පුද්ගලයෙකුට පොල්ලකින් පහරදී කළුබෝවිල රෝහලට ඇතුළත් කර ප්‍රතිකාර ලබමින් සිටියදී මියගොස් ඇත.

මෙම සිද්ධිය පිළිබද වැල්ලවත්ත පොලිස් ස්ථානය වෙත ලද පණිවිඩයක් මත විමර්ශන ආරම්භ කර තිබේ මරණකරු වයස අවුරුදු 65ක් වූ වැල්ලවත්ත ප්‍රදේශයේ පදිංචිකරුවෙකි.

සමාජ මාධ්‍ය හොල්ලපු ගල්කිස්ස වධහිංසා කතාවේ ඇත්ත පැත්ත පොලීසියම කියයි

මරණකරුගේ නිවසේම පදිංචි මිතුරෙකු සමඟ ඇති වූ බහින් බස්වීමක් දුරදිග යාමෙන් පොල්ලකින් පහරදී මෙම ඝාතනය සිදුකර ඇති බවට දැනට සිදු කරන ලද විමර්ශනයේදී අනාවරණය වී තිබේ.

    අවුරුදු 56ක් වන සැකකරු අත්අඩංගුවට ගෙන ඇත මෙම සිද්ධිය සම්බන්ධයෙන් වැල්ලවත්ත පොලීසිය වැඩිදුර විමර්ශන සිදුකරනු ලබයි.