වාහන ආනයනයට සීමා අවශ්‍ය විය හැක – අලි සබ්රි අනතුරු අඟවයි

හිටපු විදේශ හා මුදල් අමාත්‍ය අලි සබ්රි මහතා රජයෙන් ඉල්ලා සිටින්නේ, වාහන ආනයනය හේතුවෙන් විදේශ විනිමය පිටතට ගලා යාම සමීපව නිරීක්ෂණය කරන ලෙසයි.

ආර්ථික තත්ත්වයන් අනුව තාවකාලික සීමා කිරීම් අවශ්‍ය විය හැකි බවටද ඔහු අනතුරු ඇඟවී තිබේ.

නිවේදනයක් නිකුත් කරමින් සබ්රි මහතා පැවසුවේ, භාණ්ඩාගාරය වාහන ආනයනවල විදේශ විනිමය බලපෑම ප්‍රවේශමෙන් නිරීක්ෂණය කළ යුතු බවත්, අවශ්‍ය නම් එවැනි ආනයන සීමා කිරීම සලකා බැලිය යුතු බවත්ය.

මෙම පියවර ජනප්‍රිය නොවන බව ඔප්පු වුවද එය ආර්ථික ස්ථාවරත්වය සඳහා අත්‍යවශ්‍ය විය හැකි බව ඔහු සඳහන් කළේය.

සීමා කිරීම් හඳුන්වා දෙන්නේ නම්, ඒවා ක්‍රියාත්මක කරන ආකාරය පිළිබඳ රජය පැහැදිලි හා විනිවිද පෙනෙන මාර්ගෝපදේශ නිකුත් කළ යුතු බව සබ්රි මහතා අවධාරණය කළේය.

සැබෑ ආනයනකරුවන්ට අසාධාරණ බලපෑමක් නොවන පරිදි, ණයවර ලිපි දැනටමත් විවෘත කර ඇති වාහන හෝ දැනටමත් ප්‍රවාහනයේ ඇති නැව්ගත කිරීම් සම්බන්ධ තත්ත්වයන් නීති මගින් ආවරණය කළ යුතු බව ඔහු පෙන්වා දුන්හ.

ඕනෑම සීමා කිරීම් කාල පරිච්ඡේදයකදී අපයෝජනය වැළැක්වීම සඳහා ආරක්ෂක විධිවිධාන ක්‍රියාත්මක කරන ලෙසද ඔහු බලධාරීන්ගෙන් ඉල්ලා සිටියේය.

අර්බුදකාරී කාලවලදී රේගු ඇතුළු පාලන ස්ථානවල ඇතැම් නිලධාරීන් හදිසි පියවර මුවාවෙන් පුද්ගලික ලාභය සඳහා තත්වය ගසාකෑමට උත්සාහ කළ හැකි බවට ඔහු අනතුරු ඇඟවීය.

එවැනි පිළිවෙත් වැළැක්වීම සඳහා දැඩි අධීක්ෂණය හා වගවීමේ යාන්ත්‍රණ ක්‍රියාත්මක කළ යුතු බවද සබ්රි මහතා ප්‍රකාශ කළේය.

මේ අතර, මැදපෙරදිග කලාපයේ පවතින අර්බුදය ශ්‍රී ලංකාවේ විදේශ සංචිත මත අමතර පීඩනයක් ඇති කළ හැකි බවත්, විදේශ ප්‍රේෂණ, සංචාරක ආදායම හා ගෝලීය ඉන්ධන පිරිවැය ඉහළ යාම කෙරෙහි එහි විභව බලපෑම් ඇති කළ හැකි බවත් විශේෂඥයින් අනතුරු ඇඟවා තිබේ.

ඉන්ධන ගැටලුවෙන් සෞඛ්‍ය සේවාව අනතුරේ

අලුත් අවුරුදු සුබ වේලාවන්ට නිසි කාලසටහනක් නෑ – අජිත් පී. පෙරේරා