යළි ඩොලරය එකවරම ඉහළ යයි..මහ බැංකුවෙන් දැනුම්දීමක්..

අද (ජුනි 12) ශ්‍රී ලංකාවේ වාණිජ බැංකුවලදී එක්සත් ජනපද ඩොලරයට සාපේක්ෂව ශ්‍රී ලංකා රුපියල අවප්‍රමාණය වී තිබෙනවා.

සිකුරාදා (09) දිනට සාපේක්ෂව මහජන බැංකුවේ එක්සත් ජනපද ඩොලරයක ගැනුම් අනුපාතිකය රු. 285.14 සිට රු. 288.06 ක් වන අතර විකුණුම් මිල රු. 302.01 සිට රු. 305.11.

කොමර්ෂල් බැංකුවේ එක්සත් ජනපද ඩොලරයක ගැනුම් අනුපාතිකය රු. 286.04 සිට රු. 288.02 ක් වන අතර විකුණුම් මිල රු. 301 සිට රු. 303.

සම්පත් බැංකුවට අනුව, එක්සත් ජනපද ඩොලරයේ ගැනුම් සහ විකුණුම් අනුපාත රු. 288 සිට රු. 290 ක් සහ රු. 300 සිට රු. 302, පිළිවෙලින්.

මේ අතර, 2023 මැයි මාසයේ මෙරටට ලැබුණු විදෙස් ශ්‍රමික ප්‍රේෂණ ප්‍රමාණය අමෙරිකානු ඩොලර් මිලියන 479.7ක් බව ශ්‍රී ලංකා මහ බැංකුව විසින් දැනුම්දී තිබෙනවා.

ජනවාරි සිට මැයි දක්වා ලැබුණු විදෙස් ප්‍රේෂණ එකතුව ඩොලර් මිලියන 2,346.9ක් බව ද ශ්‍රී ලංකා මහ බැංකුව වැඩිදුරටත් සඳහන් කර ඇත.