ආබාධිත ප්‍රජාව වෙනුවෙන් ප්‍රමුඛතා බස් රථ සේවාව ඇරඹෙයි

ආබාධිත ප්‍රජාවට ප්‍රමුඛතාවය ලබා දෙමින් ක්ලීන් ශ්‍රී ලංකා ජාතික වැඩසටහන යටතේ ආබාධ සහිත මෙන්ම විශේෂ අවශ්‍යතා සහිත පුද්ගලයින්ට ප්‍රමුඛතාවය ලබා දෙමින් පත්ල පහත් බස් රථ සේවාව අද (21) මාකුඹුරින් ආරම්භ වී තිබේ.

ඒ ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතාගේ ප්‍රධානත්වයෙනි.

රෝද පුටු භාවිත කරන මගීන්ට සහ දෘෂ්‍යාබාධිත මගීන්ට සේම ගැබිණි මව්වරුන්ටද ඉතා පහසුවෙන් බස් රථයට ගොඩවිය හැකි ලෙස විශේෂයෙන් නිර්මාණය කර ඇති මෙම පත්ල පහත් විශේෂ බස් රථ 10ක් අද දින ඒ අනුව ප්‍රවාහන සේවාවට එක් කර ඇත.

 ඒ අනුව මෙම එක් බස් රථයක මගී ආසන 30කින් සමන්විත වේ.

මෙම බස් රථ සඳහා රෝද පුටුවලින් ගොඩවන මගීන්ට වෙනමම ආසන වෙන් කර ඇත.

මාකුඹුර සිට කොළඹ කොටුව දක්වාත් මාකුඹුර සිට කඩවත දක්වාත් මාර්ගයන් හී නියමු ව්‍යාපෘතියක් ක්‍රියාත්මක විශේෂයෙන් කොළඹ ජාතික රෝහල සහ මහරගම අපේක්ෂා රෝහල ඇතුළු ප්‍රධාන සෞඛ්‍ය සේවා මධ්‍යස්ථාන මෙම මාර්ග මගින් ආවරණය කරයි.

මෙම අවස්ථාවට එක්වෙමින් ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා පැවසුවේ මෙම බස් රථ ආබාධිත ප්‍රජාවට ප්‍රමුඛතාවය ලබා දෙන අතරම අනෙක් මගීන්ටත් සුවපහසු, විශ්වාසදායී ප්‍රවාහන සේවාවක් මේ හරහා ඉටුවනු ලබන බවයි.

මෙන්න මේ අයට විශේෂ බස් සේවාවක් ,අපහසුතාවයට පත්වුණ කාලේ ඉවරයි

එමෙන්ම අමාත්‍යවරයා සඳහන් කළේ මෙම වසර අවසන්වීමට පෙර මෙම වර්ගයේ බස් රථ 122ක් ධාවනයට එක් කිරීමට සැලසුම් කර ඇති බවත් ඉදිරියේදී මෙම බස් රථ මහනුවර, මඩකලපුව, මාතර, යාපනය වැනි ප්‍රදේශවලටත් මෙම සේවාව හඳුන්වා දීමට පියවර ගන්නා බව වේ.