අද ඔටෝ ඩීසල් ලීටරයක් රුපියල් 700කට වඩා වැඩි විය යුතුයි ඒත් අපි දෙන්නේ අඩුවට - බලශක්ති ඇමති

ලෝක වෙළඳපොළේ ඉන්ධන මිල ඉහළ යාමේ සැබෑ පිරිවැය අනුව ඔටෝ ඩීසල් ලීටරයක මිල රුපියල් 700 ඉක්මවිය යුතු වුවද, රජය තවමත් එය රුපියල් 392 වැනි අඩු මට්ටමක පවත්වාගෙන යමින් පාරිභෝගිකයාට සහන සලසන බව වරාය, සිවිල් ගුවන් සේවා සහ බලශක්ති අමාත්‍ය අනුර කරුණාතිලක මහතා ප්‍රකාශ කර ඇති බව සඳහන්.

ඒ අනුව මාධ්‍ය වෙත අදහස් දක්වමින් අමාත්‍යවරයා පෙන්වා දී ඇත්තේ, ලෝක වෙළඳපොළේ මිල ගණන් ශීඝ්‍රයෙන් ඉහළ ගියත් එහි සම්පූර්ණ බර පාරිභෝගිකයා මත පැටවීමට රජය කටයුතු කර නොමැති බවයි.

ඔහු මෙසේ පවසා ඇත්තේ ලංකා ඛනිජ තෙල් නීතිගත සංස්ථාව (CPC) අනුගමනය කරන විශේෂ ව්‍යාපාරික ආකෘතියක් පිළිබඳව කරුණු පැහැදිලි කරමින්.

ඉන්ධන පිරවුම්හල් රැසක් වසා දැමීමේ අවදානමක්? ඉන්ධන මිල සූත්‍ර‍යේ සමාලෝචනයක් ඉල්ලයි

"සැබෑ පිරිවැය අනුව බැලුවහොත් අද ඔටෝ ඩීසල් ලීටරයක් රුපියල් 700කට වඩා වැඩි විය යුතුයි.නමුත් අප එය ලබා දෙන්නේ රුපියල් 392කට. මෙහිදී සිදුවන පිරිවැය පරතරය සංස්ථාව විසින් දරා ගන්නවා. ඇතැම් මාසවල අප ලබන ලාභය, පිරිවැය අධික කාලවලදී පාරිභෝගිකයා ආරක්ෂා කිරීමට යොදා ගැනීම අපගේ ප්‍රතිපත්තියයි.අප බලන්නේ වසරක සමස්ත ක්‍රියාකාරිත්වය දෙසයි."

එසේම එහිදී මැදපෙරදිග යුද වාතාවරණය හමුවේ බලශක්ති සුරක්ෂිතතාව තහවුරු කිරීම සඳහා රජය ගෙන ඇති පියවර පිළිබඳව ද අමාත්‍යවරයා කරුණු අනාවරණය කර ඇත.

සුළු මොහොතකට පෙර IOCයත් ඉන්ධන මිල ඉහළ දමයි

ඒ අනුව, වෙළඳපොළ මිල ගණන් යටතේ රජයන් දෙක අතර පවතින එකඟතාවක් (G2G) මත චීනයෙන් ඉන්ධන මිලදී ගැනීමට සාකච්ඡා පවත්වන බවත්, රුසියාවෙන් ඉන්ධන ලබාගැනීම සඳහා වන තාක්ෂණික සහ ප්‍රසම්පාදන කටයුතු මේ වන විට අවසන් අදියරේ පවතින බවටත් ඔහු වැඩිදුරටත් පවසා ඇති බව සඳහන්.

තමිල්නාඩු ප්‍රාන්ත මැතිවරණයේ විජේ පෙරමුණට - ඡන්ද උණුසුම මැද විජේගේ නිවස පිටත ආරක්ෂාවත් තර කර‍යි