ලංකාවට ම විශේෂ සහනයක් - රටටම සුභ ආරංචියක්..!
ජාත්යන්තර මාධ්ය වාර්තා කර ඇත්තේ, ඉන්දියාවට සහ පැරිස් සමාජයේ රටවල් සඳහා ශ්රී ලංකාව ගෙවිය යුතු ණය සඳහා වසර 6ක සහන කාලයක් ලැබීමට ඉඩ ඇති බවයි.ණය නැවත ගෙවීම ආරම්භ කළ පසු පොලිය ද අඩු කෙරෙතැයි අපේක්ෂා කෙරේ.
එසේම ජාත්යන්තර මූල්ය අරමුදල, ශ්රී ලංකාව ආර්ථික අර්බුදයෙන් ගොඩ ඒම සඳහා ක්රියාත්මක කර ඇති සැලසුම් සාර්ථකව ඉදිරියට යන බව ප්රශංසාත්මකව පවසා ඇති බවද සඳහන් ය.
The Hindu වෙබ් අඩවිය වාර්තා කළේ, "සාකච්ඡා පවතින්නේ අවසන් අදියරේ. කොන්දේසි සම්බන්ධයෙන් මූලික එකඟතාවය ඉක්මණින් එළඹෙයි." එම තොරතුරු සම්බන්ධයෙන් දැනුම්වත් නිලධාරියෙක් හෙළිකළ බවය.
එසේම මූලික එකඟතාවය සම්බන්ධයෙන් ණයහිමි රටවල නියෝජිතයින් ගෙන් සමන්විත කමිටුව දීර්ඝ වශයෙන් සාකච්ඡා කර තිබුණි. ශ්රී ලංකාවට ණය ලබාදී ඇති රටවල් 17ක් එම කමිටුවේ සාමාජිකත්වය දරයි.
ශ්රී ලංකාවේ ණය ප්රතිව්යුහගතකරණ ක්රියාවලිය සඳහා එම කමිටුව නිර්මාණය කර ඇති අතර නමුත් චීනය එහි සාමාජිකත්වය නොදරයි. ඔවුන් එම සාකච්ඡා සඳහා එක් වන්නේ නිරීක්ෂකයෙක් වශයෙනි.
චීන ණය ගෙවීමේ ක්රමවේදය සහ අනෙක් රටවලට ණය ගෙවීමේ ක්රමවේදය එක සමාන කොන්දේසි මත එකඟවන බව ශ්රී ලංකාව අදාළ කමිටුවට පොරොන්දු වී තිබේ.
2022 අප්රේල් මාසයේ සිට ශ්රී ලංකාව බාහිර ණය ගෙවීම පැහැර හැරීය. ගෙවීමට ඇති බාහිර ණය ඩොලර් බිලියන 50ක් බව සඳහන් ය.