අද රාත්‍රී සිට ඇඳිරි නීතිය...සුරාසැල්,පොදු ප්‍රවාහන සේවා ගැන යළිත් තීරණයක් ගනී.(විදෙස්)

ඉන්දියාවේ දිල්ලි නගරයේ රාත්‍රී ඇඳිරි නීතිය අද රාත්‍රී (27) සිට යළිත් බලාත්මක කර තිබෙන බව එරට මාධ්‍ය වාර්තා කළා.

ඒ අනුව දිනපතා රාත්‍රී 11:00 සිට පසුදින අලුයම 05:00 දක්වා මෙලෙස ඇඳිරි නීතිය පැණවීමට නියමිතයි.

කොවිඩ් ආසාදිතයන් සංඛ්‍යාව සීඝ්‍රයෙන් ඉහළයාම සැළකිල්ලට ගෙන ඉන්දීය බළධාරීන් විසින් මෙම තීරණය ගෙන තිබෙනවා.

මීට අමතරව සමාජීය කටයුතු පවත්වාගෙන යාමේදී තවත් සීමා කිහිපයක් ද පණවනු ලැබ තිබෙනවා.

ඒ අනුව සුරාසැල් විවෘතව තැබිය හැකි වනුයේ දිනපතා දහවල් 12:00 සිට රාත්‍රී 10:00 දක්වා පමණයි.

සිනමා ශාලා වසා දැමිය යුතු බවටද ඉන්දියාවේ දිල්ලි ප්‍රාන්ත බළධාරීන් දැනුම් දී තිබෙනවා.

එමෙන්ම පොදු ප්‍රවාහන සේවා සඳහා සියයට 50 ක උපරිමයකින් පවත්වාගෙන යා යුතු බවට දැනුම් දී තිබෙනවා.