Covid මරණ වල යම් කිසි වැඩ් වීමක්

තවත් කොවිඩ් මරණ 43ක් සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

ඊයේ (05) දින තහවුරු කර ඇති එම මරණ 43 ත් සමග මෙරට සිදුවී ඇති සමස්ත කොවිඩ් මරණ සංඛ්‍යාව 13,185 ක් දක්වා ඉහළගොස් ඇත.

කොවිඩ් -19 වෛරසය ආසාදනය වී ප්‍රතිකාර ගත් 475 දෙනෙකු අද (06) දිනයේ පූර්ණ සුවය ලබා ඇති බව සෞඛ්‍ය අමාත්‍යාංශය පවසයි. ඒ අනුව මෙරටදී සුවය ලැබූ සමස්ත කොවිඩ් රෝගීන් සංඛ්‍යාව 478,326ක් දක්වා ඉහළගොස් තිබේ.

මේ අතර මෙරට පූර්ණ එන්නත්කරණයට ලක්වූ පුද්ගලයින් ගණන සමස්ත ජනගහනයෙන් සියයට 55ක ප්‍රතිශතයක් දක්වා ඉහළ ගොස් තිබේ. මාත්‍රා දෙකම ලබාගෙන ඇති සමස්ත පුද්ගලයින් ගණන 01කෝටි 19 ලක්ෂ 67,327කි. එක් මාත්‍රාවක් හෝ ලැබූ ප්‍රතිශතය සමස්ත ජනගහනයෙන් සියයට 68කි.

ඒ අනුව මේ දක්වා කොවිඩ් මර්දන එන්නත එක් මාත්‍රාවක් හෝ ලබාගෙන ඇති සමස්ත පුද්ගලයින් ගණන 01කෝටි 46 ලක්ෂ 15,232ක් දක්වා ඉහළගොස් තිබේ.

ඊයේ මෙරටින් හඳුනාගත් කොවිඩ් ආසාදිතයින් ගණන 784කි. ඒ සමග මෙරටින් වාර්තා වූ සමස්ත ආසාදිතයින් ගණන 522,000ක් වෙයි.

============================

You may like this video

දේවස්ථානයක් සහ පිරිසක් අතර විශාල අර්බුදයක්...