විශේෂ නිවේදනයක් !! - රටේ පවතින කොරෝනා අවදානම පිළිබද

දිවයින පුරා ඉන්ෆ්ලුවන්සා සහ කොවිඩ්-19 වෛරසයේ නව ප්‍රභේදයක් ව්‍යාප්ත වීමේ අවදානමක් පවතින බව සෞඛ්‍ය සේවා ප්‍රවර්ධන කාර්යාංශය අනතුරු අඟවයි. මෙම තත්ත්වය හමුවේ, රාජ්‍ය ආයතනවල සේවකයින් මෙන්ම මහජනතාව ද දිනපතා මුඛ ආවරණ භාවිතා කිරීම, සමාජ දුරස්ථභාවය පවත්වා ගැනීම, සහ අත්පොළවන් පවිත්‍ර තත්ත්වයේ පවත්වා ගැනීම සඳහා හැකි පමණින් සෙරිනයිසර් (sanitizer) භාවිතය අනිවාර්යව ක්‍රියාත්මක කළ යුතු බව සෞඛ්‍ය බලධාරීන් අවධාරණය කරයි.

අනුරාධපුරෙන් කොවිඩ් රෝගීන් 6ක් සහ එක් මරණයක්

බස්නාහිර පළාත් ප්‍රධාන ලේකම් කාර්යාලය විසින් රාජ්‍ය ආයතනවල ප්‍රධානීන් වෙත යොමු කළ නිල ලිපියකින්, සේවකයන්ට මුඛ ආවරණ පැළඳීම පිළිබඳව දැනුවත් කිරීම හා එය අනිවාර්ය ක්‍රියාමාර්ගයක් ලෙස ක්‍රියාත්මක කිරීම සඳහා උපදෙස් ලබා දී ඇත. මෙම ලිපිය බස්නාහිර පළාත් නියෝජ්‍ය ප්‍රධාන ලේකම් (පාලන) බී.එන්. දම්මින්ද කුමාර මහතාගේ අත්සනින් නිකුත් කර ඇත.

රජය කොවිඩ් රෝගීන් ගැන හංගනවා? පිටට දෙන්න එපාලු

අද වන විට, දිවයිනේ විශාල ප්‍රදේශ රැසක ඉන්ෆ්ලුවන්සා සහ කොවිඩ්-19 රෝගීන්ගේ සංඛ්‍යාව ද අදහස්කරන ලෙසින් වැඩිවී ඇති අතර, එය මහජන සෞඛ්‍යයට දැඩි අවදානමක් ඇතිකර ඇත. එනිසා, රාජ්‍ය හා පෞද්ගලික ආයතන සෑමවිටම තම කාර්ය මණ්ඩලයට සහ සේවාවන් භාවිතා කරන මහජනතාවට ව්‍යාප්තිශීලී රෝගවල අවදානම් පිළිබඳව නිසි විධියට දැනුවත් කිරීමේ වැඩසටහන් ක්‍රියාත්මක කළ යුතුය.

මෙම පසුබිම මත, සෞඛ්‍ය බලධාරීන් ව්‍යාප්තිය පාලනය කිරීම සඳහා පහත ක්‍රියාමාර්ග අනිවාර්යව අනුගමනය කරන ලෙස සදහන් කරයි:

මුඛ ආවරණ පැළඳීම (ආයතන තුළ සහ මහජන ස්ථානවලදී)

සමාජ දුරස්ථභාවය පවත්වා ගැනීම (අඩුම තරමේ මීටර් 1–1.5ක දුර)

හොදින් අත් සේදීම සහා සැනිටයිසර් භාවිතය

රෝග ලක්ෂණ පෙන්වන්නේ නම් වහාම වෛද්‍ය උපදෙස් ලබා ගැනීම

හිටපු ඇමතිගේ අවුරුදු 19 පුතාට රනිල් බාර් ලයිසන් දීලා...?

සේවකයින්ට සහ පාරිභෝගිකයින්ට නිසි සෞඛ්‍ය ආරක්ෂාව පිළිබඳව විශේෂිත දැනුවත් කිරීමේ වැඩසටහන් පවත්වා ගැනීම

ඉන්ෆ්ලුවන්සා සහ කොවිඩ් වැනි ව්‍යාප්තිශීලී රෝගයන් පිළිබඳව හැකිතාක් දැනුවත් වීම සහ නියමිත සෞඛ්‍ය ක්‍රියාමාර්ග ක්‍රියාත්මක කිරීම තුළින්, රෝග ව්‍යාප්තිය සීමා කර මහජන සෞඛ්‍ය ආරක්ෂා කිරීමේ ප්‍රධාන කාර්යභාරය ඉටු කළ හැකි බව සෞඛ්‍ය බලධාරීන් විශ්වාසය පළ කරයි.