එකකුස උපන්නත් නොසන්සිඳුණු වෛරය - මුදලට යට වී එකම පවුලේ උපන් සොහොයුරන් මරා ගනී

ග්‍රෑන්පාස් පොලිස් වසමේ කජිමාවත්ත ප්‍රදේශයේ දී ඊයේ (20) දින තියුණු ආයුධයකින් පහර දී සිදු කළ මනුෂ්‍ය ඝාතනයක් පිළිබඳ වාර්තා වෙනවා. එක ම පවුලේ සහෝදරයින් දෙදෙනෙක් අතර ඇති වූ මුදල් ආරවුලක් දුරදිග යාමෙනු යි මෙම ඝාතනය සිදු වී ඇත්තේ.

පිහි ඇනුම් ලද තුවාලකරු කොළඹ ජාතික රෝහලට ඇතුළත් කිරීමේ දි මිය ගොස් තිබෙනවා. මරණකරු වයස අවුරුදු 26ක් වූ ෆර්ගියුසන් පාර කොළඹ 14 පදිංචිකරුවෙක්.

මෘත ශරීරය කොළඹ ජාතික රෝහලේ මෘත ශරීරාගාරයේ තැන්පත් කර ඇති අතර, මෘත ශරීරය සම්බන්ධ මරණ පරීක්ෂණය සිදු කිරීමට නියමිතයි. සැකකරු මේ වෙනවිට පොලිස් අත්අඩංගුවේ පසු වෙනවා.

සැකකරු වයස අවුරුදු 28ක පුද්ගලයෙක් වෙන අතර, ඔහු ව අද (21) දින මාළිඟාකන්ද මහෙස්ත්‍රාත් අධිකරණයට ඉදිරිපත් කිරීමට නියමිතයි. වැඩිදුර පරීක්ෂණ ග්‍රෑන්පාස් පොලිසිය විසින් සිදු කෙරෙනු ඇති.