අයිස් ගහන් නැතුව කන්ටේනර් හොයා ගත්තු එක හොඳයි, ඒත් ලොකුම ප්‍රශ්නේ මොකාද මේවා පිට කළේ කියන එකනේ අහන සජිත්

විපක්ෂ නායක සජිත් ප්‍රේමදාස මහතා විසින් අයිස් මත්ද්‍රව්‍ය නිෂ්පාදනයට භාවිත කරන අමුද්‍රව්‍ය කන්ටේනර් දෙකක් සොයා ගැනීම මත්ද්‍රව්‍ය ව්‍යාප්තිය මර්දනය කිරීමේ ක්‍රියාවලියේ ප්‍රගතියක් බවත්, මේ කරුණත් සමග ප්‍රශ්න සහගත කරුණු රැසක් හෙළිදරව් වන නිසා මෙහි සත්‍යතාව රජය පැහැදිලි කළ යුතු බවත් සඳහන් කරයි.

විපක්ෂ නායකවරයා හිටපු පාර්ලිමේන්තු මන්ත්‍රීවරුන්ගේ සංසදය සමග විපක්ෂ නායක කාර්යාලෙය් පැවැති සාකච්ඡාවක දී මේ බව සඳහන් කළා.

එහිදී වැඩිදුරටත් කරුණු දැක්වූ ඔහු කියා සිටියේ,

ඔක්කොම කන්ට්‍රෝල් කරන්නේ රාජපක්ෂලා, කන්ට්‍රේනර් දෙක මිද්දෙණියට ගිහින් දැම්මේ කොක්කු වෙන්න ඇති, නක්කලේ දාන නාමල්

”මෙහි බරපතළ ගැටලුව වන්නේ මේ කන්ටේනර් 02 වරායෙන් එළියට ආවේ කොහොම ද කියන එකයි. ජාත්‍යන්තර බුද්ධි අංශ හරහා නිරතුරුවම අප රටේ කුඩු සහ කුඩු ව්‍යාප්තිය ගැන තොරතුරු ලබා දෙනවා. මේ කන්ටේනර් 02 ගැනත් ජාත්‍යන්තර බුද්ධි අංශ අප රටට තොරතුරු දැනුම් දුන්නේ ද කියා දැන ගැනීමට අවශ්‍ය යි. එම තොරතුරු ලැබුණු දිනයත්, එම තොරතුරු සම්බන්ධයෙන් පරික්ෂණ කළ අය මෙන්ම එම පරීක්ෂණ පැවැත්වූ කාලවකවානුවත්, මෙම පරික්ෂණවලින් පසුවත් මෙම කුඩු අමුද්‍රව්‍ය කන්ටේනර් දෙක නිදහස් වුවා ද කියා දැන ගැනීමට අවශ්‍යයි. මෙම කන්ටේනර් නිදහස් කළා නම්, ඒ නිදහස් කිරීමේ ක්‍රියාවලියට හවුල් වූ පුද්ගලයන් සහ ආයතන සම්බන්ධ කරුණු පිළිබඳ සත්‍ය හෙළිදරව් කළ යුතු යි.

මීට පස්සේවත් පොඩි කොල්ලන්ට බස් ඵළවන්න දෙන්න එපා අපේ රියදුරන්ගෙන් වරදක් වෙන්නේ බොහොම කලාතුරකින් - ගැමුණු

එය රජයේ වගකීමක්. ජාත්‍යන්තර බුද්ධි අංශ මේ සම්බන්ධයෙන් දැනුවත් කළාට පසු එම කන්ටේනර් හඳුනා ගෙන පරීක්ෂා කරා ද කියා දැන ගැනීමට අවශ්‍ය යි. මෙම කන්ටේනර් නිදහස් කිරීමට පදනම් වූ කරුණු මෙන්ම පසුගිය දා පරීක්ෂා නොකර එළියට දැමූ කන්ටේනර් 323ට මෙය අයත් ද කියා දැන ගැනීමටත් අවශ්‍ය යි. එමෙන් ම මෙම කුඩු අමුද්‍රව්‍ය කන්ටේනර් නිදහස් වීම ගැන සියලු තොරතුරු රටට හෙළිදරව් කළ යුතු යි. මේ කුඩු කන්ටේනර් නිදහස් වීම තුළ ප්‍රශ්න සහගත කරුණුවලට සත්‍ය හෙළිදරව් කළ යුතු යි. ජාති ආගම් කුලමල පන්ති පක්ෂ භේදයකින් තොරව මත් රකුසා, මත්ද්‍රව්‍ය ව්‍යාප්තිය පරාජය කරන්න කටයුතු කළ යුතු යි. මේ ගමනේදී සත්‍ය තොරතුරුවලින් ජනතාව දැනුවත් කිරිම රජයේ වගකීමකි." යනුවෙන්.

විදෙස්ගත ශ්‍රමික ප්‍රේෂණ හා සංචාරක පැමිණීම් පල්ලමට - මහ බැංකුව කියයි