මාර්ග අනතුරකින් පසු ප්‍රදේශවාසීන් නීතිය අතට ගනී (VIDEO)

හලාවත - පුත්තලම මාර්ගයේ බංගදෙණිය, කෝට්ටපිටිය ප්‍රදේශයේදී යතුරුපැදියක් බස් රථයක ගැටීමෙන් සිදුවූ අනතුරකින් යතුරුපැදිකරු මියගොස් තිබුණි.

ඊයේ (19) දහවල් 1.30ට පමණ එම රිය අනතුර සිදුවී ඇත. අදාළ අනතුරින් මියගොස් ඇත්තේ බංගදෙණිය - කරුකුපනේ පදිංචි තරුණයෙකි.

කොළඹ සිට වව්නියාව බලා ධාවනය වෙමින් තිබූ පුද්ගලික බස් රථයක යතුරුපැදිය ගැටීමෙන් එම අනතුර සිදුව තිබුණි.

ඒ පිළිබඳව උරණ වූ ප්‍රදේශවාසීන් කලහකාරී ලෙස හැසිරී බස් රථයට හානි කර ඇති අතර නොසන්සුන්කාරී තත්ත්වය පාලනය කෙරුණේ පොලීසිය හා පොලිස් විශේෂ කාර්ය බළකාය පැය 4කට අධික කාලයක් දැරූ ප්‍රයත්නයකින් පසුවය.