තවත් ෆයිසර් එන්නත් තොගයක් දිවයිනට

තවත් ෆයිසර් එන්නත් මාත්‍රා 100,000 තොගයක් දිවයිනට ලඟා වී තිබෙනවා.

එමෙන්ම චීනයේ නිෂ්පාදිත සයිනොෆාම් කොවිඩ් මර්දන එන්නත් මාත්‍රා තොගයක් දිවයිනට රැගෙනවිත් තිබේ. ශ්‍රීලන්කන් ගුවන් සේවයට අයත් යානයකින් එන්නත් මාත්‍රා මිලියන 1.86ක් ඊයේ (08) අලුයම දිවයිනට රැගෙන ආ බව වාර්තාකරු පැවසුවේය.

ඒ සමඟ මෙරටට හිමිවූ මුළු සයිනොෆාම් එන්නත් මාත්‍රා ප්‍රමාණය මිලියන 14.7ක් වන බව රාජ්‍ය අමාත්‍ය මහාචාර්ය චන්න ජයසුමන මහතා පවසයි. එම එන්නත් තොගය කොළඹ එන්නත් ගබඩා වෙත ප්‍රවාහනය කිරීමට මේ වන විට පියවර ගෙන තිබේ.

මේ අතර කොළඹ නගර සීමාව තුළ මෙතෙක් කොවිඩ් මර්දන එන්නත් ලබා නොගත් වයස අවුරුදු 30 ඉක්මවු පුද්ගලයින්ට සුගතදාස ගෘහස්ත ක්‍රිඩාංගණයට පැමිණ අද දිනයේ ද එන්නත ලබාගත හැකි බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පැවසීය. දි

කොවැක්ස් පහසුකම යටතේ ජපානය විසින් ලබාදෙන ඇස්ට්‍රොසෙනෙකා කොවිෂිල්ඩ් එන්නත් මාත්‍රා තොගය මීට  පෙර දිවයිනට රැගෙන විත් තිබේ.

එන්නත් මාත්‍රා 728,000ක තොගයක් ශ්‍රීලංකන් ගුවන් සේවයේ ගුවන් යානයකින් කටුනායක ගුවන් තොටුපොළ රැගෙන ආ බව අප වාර්තාකරු පැවසීය.

එම එන්නත් තොගය කෑගල්ල දිස්ත්‍රික්කයේ එන්නත්කරණ වැඩසටහන සඳහා යොදාගැනීමට සැලසුම් කර තිබේ.

ජපානය විසින් කොවැක්ස් පහසුකම යටතේ ශ්‍රී ලංකාවට ඇස්ට්‍රොසෙනෙකා එන්නත් මාත්‍රා මිලියන 1.45ක තොගයක් ලබාදීමට එකඟත්වය පළ වී තිබු අතර, පසුගිය ජුලි මස 31 වන දා ද එන්නත් මාත්‍රා 728,460ක තොගයක් දිවයිනට රැගෙන ආවේය.

කොළඹ සුගතදාස ක්‍රීඩාංගණයේදී ආරම්භ කළ එන්නත් වැඩසටහන අද (09) දිනයේත් ක්‍රියාත්මක කරන බව පොලිසිය පවසනවා. පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ කියා සිටියේ කොළඹ නගරයේ මෙතෙක් කිසිඳු එන්නතක් ලබා නොගත් අවුරුදු 30ට වැඩි පුද්ගලයන්ට මෙහිදී එන්නත් ලබාගැනීමට හැකියාව ඇති බවයි.

ප්‍රජා පොලිස් නිලධාරීන් සහ පොලිස් ආරක්ෂණ කමිටු නිලධාරීන් විසින් එන්නත් ලබා නොගත් පුද්ගලයන් සොයා ගොස් ඔවුන් දැනුවත් කර එන්නත් මධ්‍යස්ථානය වෙත යොමු කිරීම ද සිදුවනවා.

පොලිස් මාධ්‍ය ප්‍රකාශකවරයා කියා සිටියේ කොළඹ නගරයේ සිටින එන්නත් ලබා නොගත් ඕනෑම අයෙකුට කොළඹ සුගතදාස ක්‍රීඩාංගණයේදී එන්නත් ලබාගැනීමට හැකියාව අද (09) දිනයේත් පවතින බවයි