හදිසියේම ඇඳිරි නීතිය සම්බන්ධයෙන් විශේෂ නිවේදන දෙකක් !! (VIDEO)

දැනට පැවැත්වෙන ඇඳිරි නීතිය ලබන සැප්තැම්බර් 6 වෙනිදා දක්වා දීර්ඝ කෙරුනි. ඇඳිරි නීති තත්වය දීර්ඝ කෙරුණු කාලයේ අත්‍යවශ්‍ය සේවා පවත්වාගෙන යා හැකි බව යුද හමුදාපති ශවේන්ද්‍ර සිල්වා මහතා නිවේදනය කර තිබේ.

නිරෝධායන ඇඳිරි නීතිය අතරතුර ඇඟලුම්, කර්මාන්ත, කෘෂිකාර්මික කටයුතු ඇතුළු අත්‍යවශ්‍ය සේවාවන්හි නියුතු වූවන්ට ඇඳිරි නීතිය බලපත්‍ර අවශ්‍ය නොවන බව යුද හමුදාපති ජනරාල් ශවේන්ද්‍ර සිල්වා මහතා පැවසීය.

එම කාලය තුළ අත්‍යවශ්‍ය සේවා සහ අනෙකුත් අංශ ක්‍රියාත්මක කිරීමේදී මුරපොලවල් වල නම්‍යශීලී වන ලෙස හමුදාවට සහ පොලිසියට උපදෙස් දෙන බව ඔහු පැවසීය.

අත්‍යවශ්‍ය සේවා, සෙසු අංශ සහ සේවයට වාර්තා කරන සේවකයින්ට ක්‍රියාත්මක වීමට අවසර දෙන අතර නිරෝධායන ඇඳිරි නීතිය කාලය තුළ ඖෂධ හල් විවෘතව පවතින බව එතුමා වැඩිදුරටත් පැවසීය.

ජෙනරාල් සිල්වා කියා සිටියේ එන්නත් කිරීමේ වැඩසටහන ද අඛණ්ඩව ක්‍රියාත්මක කරන අතර අනවශ්‍ය සංචාර වලින් වළකින ලෙසත්, කොවිඩ් -19 තවදුරටත් පැතිරීම වැළැක්වීම සඳහා සෞඛ්‍ය උපදෙස් පිළිපදින ලෙසත් මහජනතාවගෙන් ඉල්ලා සිටින බවයි.

එමෙන්ම මේ සම්බන්ධයෙන් සෞඛ්‍ය අමාත්‍ය කෙහෙළිය රඹුක්වැල්ල මහතා ට්විටර් පණිවිඩයක් නිකුත් කර තිබෙනවා. ඔහු සඳහන් කරන්නේ මෙම ඇඳිරි නීති තත්වය පවතින තත්ත්වය සැලකිල්ලට ගනිමින් කටයුතු කිරීම සියලු දෙනාගේ වගකීමක් බවත් සියලු වීදිවල රජය මුර සේවා ක්‍රියාත්මක කරන අතර දැඩි නීතිය ක්‍රියාත්මක කරන බව ඔහු දක්වයි.

අද (27) උදෑසන ජනාධිපති ගෝඨාභය රාජපක්ෂ මහතාගේ ප්‍රධානත්වෙන් රැස්වූ කොවිඩ් මර්දන විශේෂ කමිටුවේදී එම තීරණය ගෙන ඇති බව වාර්තා වෙයි.