ඇදිරි නීතිය තවත් කල් යනවද? රාජ්‍ය ඇමති දිලුම්

By Sithumi Aug 21, 2021 02:10 PM GMT
Sithumi

Sithumi

Report

දැනට පනවා ඇති නිරෝධායන ඇඳිරි නීතිය උපරිමයෙන් දින 14කට එහා නොයන බව රාජ්‍ය අමාත්‍ය දිලුම් අමුණුගම ප්‍රකාශ කළා.

ඔහු මේ බව කියා සිටියේ රුපියල් 2000සේ දීමනාව ලබාදීමට ගෙන ඇති තීරණය සම්බන්ධයෙන් මහනුවරදී අද මාධ්‍යවේදීන් යොමු කළ ප්‍රශ්ණයකට පිළිතුරු ලබා දෙමින්.

කෙසේ වෙතත් පනවා ඇති නිරෝධායන ඇඳිරි නීතිය, කොරෝනා ව්‍යාප්තිය පාලනය සඳහා ප්‍රමාණවත් නොවන බවයි ප්‍රවෘත්ති සාකච්ඡාවක් කැඳවමින් සෞඛ්‍ය ඇතුලු වෘත්තිය සමිති කිහිපයක නියෝජිතයින් ප්‍රකාශ කළේ.

කෙසේ වෙතත් අද පැවති මාධ්‍ය හමුවකදී අමාත්‍ය වාසුදේව නානායක්කාර, විපක්ෂයේ දේශපාලන පක්ෂ කිහිපයකට අභියෝගයක් එල්ල කළා.

මේ අතර ,රට වසාදමන කාලසීමාව අඩුකර ගැනීමට කටයුතු නොකළහොත් විවිධ දුෂ්කරතාවන්ට මුහුණදීමට සිදුවනු ඇති බව මුදල් රාජ්‍ය අමාත්‍ය අජිත් නිවාඩ් කබ්රාල් මහතා පවසයි. අද (21) කොළඹ පැවැති මාධ්‍ය හමුවකදී රාජ්‍ය අමාත්‍යවරයා මේ බව සඳහන් කළේය.

"රට වැසීම හරහා තිබෙන පාඩුව අපිට මඟහරවා ගැනීමට නම් පුළුවන් තරම් ඉක්මනින් අපේ රට යථා තත්ත්වයට ගෙන එන්න ඕනේ. අපි දන්නවා ජීවිතය ඉතාමත් වැදගත්. ඒත් එක්කම ජීවනෝපායත් වැදගත්. ජීවනෝපාය නැති වුණොතින් ඒක සිදුවන අයට තමයි තේරෙන්නේ ඒකේ වේදනාව. පුළුවන් තරම් ලොක්ඩවුන් කෙටි කරන්නට ඕනේ. කෙටි කළේ නැත්නම් ඒකෙන් දෙපැත්තක කරුණු රාශියකට අපිට පළවිපාක විඳින්නට වෙනවා. අපේ රට පිට රටවල් සමග කරන ගනුදෙනු ඩොලර් පාවිච්චි කරන්න වෙනවා නම් අපිට ඒ පිළිබඳ ඩොලර් උපයා ගන්න ඔනේ. සමහර තැන්වලදී අපට එය මදිවීමක් සිදුවෙනවා නම් අපිට වෙන පැත්තකින් අඩුකරන්න වෙනවා. රථවාහන ගෙන ඒම නතර කළා. ඒ වාගේ තීරණ ගන්නට සිදුවෙනවා."


සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... 
Join Now