වයස්ගතම ඔලිම්පික් රන් පදක්කම්ලාභිනිය මියයයි

ලොව වයස්ගතම ඔලිම්පික් රන් පදක්කම්ලාභිනිය වන ඇග්නස් කෙලෙටි මියගොස් තිබේ.

හංගේරියාවේ බූඩපෙස්ට්හි හමුදා රෝහලක ප්‍රතිකාර ලබමින් සිටිදී පසුගිය බ්‍රහස්පතින්දා ඇය මියගොස් තිබුණි.

මියයන විට ඇය 103 හැවිරිදි වියෙහි පසුවු බව විදෙස් මාධ්‍ය වාර්තා කරයි. හංගේරියානු ජිම්නාස්ටික් ක්‍රීඩිකාවක් වන ඇය පස් වතාවක් පදක්කම් දිනා තිබේ.

ඇග්නස් කෙලෙටි 1921 ජනවාරි 09 වනදා බුඩාපෙස්ට් හි උපත ලැබූ අතර ලබන ජනවාරි 9 වැනිදාට ඇගේ 104 වන උපන්දිනය යෙදී තිබුණි.

ඇග්නස් කෙලෙටි පළමු ඔලිම්පික් රන් පදක්කම දිනාගනු ලැබුවේ 1952 වසරේදී හෙල්සින්කි හි පැවති ක්‍රීඩා උළෙලේ දීය. ජිම්නාස්ටික් ශූරියක වූ ඇය ඔලිම්පික් රන් පදක්කම් 05ක් ද ඇතුළුව දිනා සිටි සමස්ත ඔලිම්පික් පදක්කම් ගණන 10කි.