ප්‍රධාන ඉංජිනේරුවරයෙක් නෞකාවේ ඉහල මහලෙන් මුහුදට වැටී මියයයි..

ගාල්ල වරායේ නැංගුරම් ලා තිබු අබුඩාබි රාජ්‍යයට අයත් භාණ්ඩ ප්‍රවාහන නෞකාවේ ප්‍රධාන ඉංජිනේරුවරයා නෞකාවේ ඉහල මහලෙන් මුහුදට වැටිමෙන් අද (01) අළුයම මියගොස් ඇති බව ගාල්ල වරාය පොලිසිය පවසනවා.

නෞකාවේ ප්‍රධාන ඉංජිනේරුවරයා මුහුදට වැටිමෙන් පසු නෞකාවේ සේවකයින් ඔහු ගොඩට ගෙන කරාපිටිය රෝහලට ඇතුලත් කිරිමෙන් පසු මියගොස් ඇති බවයි පවසන්නේ.

මියගොස් ඇත්තේ 62 හැවිරිදි ලිතුවෙනියා ජාතිකයෙක් බවයි පැවසෙන්නේ.

මෙකි නෞකාව අයහපත් කාලගුණික තත්වය හේතුවෙන් ඉකුත් 29 වැනිදින සිට ගාල්ල වරායේ නැංගුරම් ලා තිබූ බවයි පැවසෙන්නේ.

නෞකාවේ ප්‍රධාන ඉංජිනේරුවරයාගේ දේහය මේ වනවිට ගාල්ල කරාපිටිය ශික්ෂණ රෝහලේ මෘත ශරිරාගාරයේ තැන්පත්කොට ඇත.

තානාපති කාර්යාලය දැනුවත් කොට ඉදිරියේ දි පශ්චාත් මරණ පරික්ෂණය පැවැත්විමට කටයුතු කරන බව පොලිසිය පවසයි.