අදත් ප්‍රබල භූ කම්පනයක්.

දකුණු පැසිෆික් කලාපයේ ප්‍රබල භූ කම්පනයක් සිදුව ඇති බව විදෙස් මාධ්‍ය වාර්තා කරනවා.

වනුආටු කලාපයේ සිදුව ඇති මෙම භූකම්පනය රික්ටර් මාපකයේ 7ක අගයක් ගෙන තිබෙනවා.

එම භූ කම්පනය පෘථිවී මතුපිටට කිලෝ මීටර් 10ක් පමණ අභ්‍යන්තරයේ සිදුව ඇති අතර මෙමඟින් පුද්ගල හෝ  දේපල හානි කිසිවක් වාර්තා වී නොමැත.

ජනවාරි මස මුලදී Espiritu Santo හි ඇති වූ රික්ටර් පරිමාණයේ 7 ක භූමිකම්පාවෙන් පසු මෙම වසරේ දිවයිනේ දෙවන විශාලතම භූමිකම්පාව මෙය බවයි වාර්තා වන්නේ.

රික්ටර් පරිමාණයේ 6.3 ක ප්‍රබල භූමිකම්පාවකින් කලාපය කම්පනයට පත්වී සති තුනකට පසුවයි නවතම කම්පනය සිදුව ඇත්තේ.

ජූලි මාසයේදී, රික්ටර් මාපකයේ 6.8 ක භූමිකම්පාවක් වනුවාටු හි පෝට්-ඔල්රි සිට කිලෝමීටර් 83 ක් නැගෙනහිරින් සිදු වී තිබෙනවා.