තවත් දරුවන් කොටසකට රජයෙන් විශේෂ දීමනාවක් - හම්බෙන්නේ මේ අයට

විදේශ රට වලදී මිය යන, ආබාධිත තත්ත්වයට පත් වන සහ අතුරුදන්වීම් ඇතුළු විවිධ ආපදාවන්ට ලක් වන ශ්‍රී ලාංකිකයන්ගේ මෙරට සිටින දරුවන්ගේ අධ්‍යාපනය සුරක්ෂිත කිරීම වෙනුවෙන් ශිෂ්‍යාධාර වැඩසටහනක් ක්‍රියාත්මක කිරීමට ජනාධිපති අරමුදල සැලසුම් කර තිබේ.

‘කිසිවෙක් අධ්‍යාපනයෙන් මගහැරීමට ඉඩ නොදීම’ යන සංකල්පය අනුව ජනාධිපති අරමුදල, විදේශ කටයුතු, විදේශ රැකියා සහ සංචාරක අමාත්‍යාංශය සහ විදේශ සේවා නියුක්ති කාර්යාංශය ඒකාබද්ධව මෙම වැඩසටහන ක්‍රියාත්මක කිරීමට නියමිතය.

ඇල්ල බස් රථ අනතුරට හේතුව හෙළිවේ - රියදුරු ගැන අනාවරණයක්

ජනාධිපති අරමුදලේ සේවා ව්‍යාප්ත කිරීම පිළිබඳ විදේශ කටයුතු, විදේශ රැකියා සහ සංචාරක අමාත්‍ය විජිත හේරත්, ජනාධිපති ජ්‍යෙෂ්ඨ අතිරේක ලේකම්, ජනාධිපති අරමුදලේ ලේකම් රෝෂන් ගමගේ මහත්වරුන්ගේ ප්‍රධානත්වයෙන් ජනාධිපති කාර්යාලයේ පැවති සාකච්ඡාවකදී මේ බව සඳහන් කෙරිණි.

අද දිනය තුළ තෙවරක් ඉහළ ගිය රන් මිල

විදේශයන්හිදී ආපදා වලට ලක් වන විදෙස්ගත ශ්‍රමිකයන්ගේ මෙරට සිටින දරුවන්ගේ අධ්‍යාපනය අඛණ්ඩව පවත්වාගෙන යාම සහ සුරක්ෂිත කිරීම මෙම වැඩසටහනේ අරමුණයි. ‘අදාළ පුද්ගලයා ශ්‍රී ලාංකිකයෙක් වීම’ යන නිර්ණායකය පමණක් එහිදී සැලකිල්ලට ගැනෙන අතර අදාළ ශිෂ්‍යත්ව ප්‍රදානය පිළිබඳ උපදෙස් සංග්‍රහය ඉදිරියේදී නිකුත් කිරීමට නියමිතය.

ජනාධිපති අරමුදල මේ වන විටත්, වන අලි ප්‍රහාරවලට ලක්ව මිය ගිය අයගේ දරුවන් වෙනුවෙන්ද මෙවැනි ආකාරයේ ශිෂ්‍යත්ව වැඩසටහනක් හඳුන්වා දී තිබෙන අතර ඉදිරියේදී විවිධ ක්ෂේත්‍ර කරා එය පුළුල් කිරීමට අපේක්ෂා කරයි.

මල්ලිට හොදටම ගහලා,බබාට කිරිදෙන්න විදිහක් නෑ මාස 3යි - මනම්පේරිගේ නංගී