යුක්රේන යුද්ධය අවසන් කිරීමේ සාම සාකච්ඡාවල දී විෂ ශරීරගත වු රුසියන් ධන කුවේරයා...

බ්‍රිතාන්‍යය කේන්ද්‍ර කොට ගත් රුසියානු තෙල් ධන කුවේරයෙකු වන රෝමන් ඇබ්‍රමෝවිච්, මේ මස මුල දී පැවති යුක්රේන යුද්ධය අවසන් කිරීමේ සාම සාකච්ඡාවල දී විෂ ශරීරගත කිරීමකට ලක් වී ඇති බවට තොරතුරු අනාවරණ වී තිබෙනවා.

බ්‍රිතාන්‍යය චෙල්සී පාපන්දු සමාජයේ හිමිකරු ද වන ඔහු යුක්රේන - බෙලරූස් දේශසීමාවේ පැවති මූලික වටයේ සාකච්ඡාවලට එක්ව සිටි අයෙක්.

එහිදී ඔහු මෙන්ම යුක්රේන සාකච්ඡා කණ්ඩායමේ කිහිප දෙනෙකු ද රසායනික විෂ ශරීරගතවීමේ ලක්ෂණ පෙන්නුම් කර ඇති බවයි වාර්තා වන්නේ.

කෙසේ නමුත් එම ලක්ෂණ ස්වභාවික හේතූන් මත ඇති වී තිබෙන බව ඇමරිකානු බුද්ධි සේවා උපුටා දක්වමින් ප්‍රකාශ වුණා. එහෙත් බ්‍රිතාන්‍ය මාධ්‍ය පෙන්වා දෙන්නේ රුසියාව රසායනික අවි භාවිත කිරීමේ තත්ත්වයක් වසන් කිරීමට ඇමරිකාව මෙහිදී උත්සාහ කර ඇති බවයි.

එසේ වුවහොත් ඔවුන්ට යුක්රේන යුද්ධයට සන්නද්ධ හමුදා සහය ලබාදීමට සිදුවිය හැකිවීම ඊට හේතුවයි.

සාම සාකච්ඡා කඩාකප්පල් කිරීමේ අරමුණෙන් රුසියානු අන්තවාදීන් එම රසායනික විෂ යොදාගෙන ඇති බවටයි බ්‍රිතාන්‍ය මාධ්‍ය සඳහන් කළේ.

කෙසේ නමුත් මෙලෙස සාම ප්‍රයත්නයක නිරත රෝමන් ඇබ්‍රමෝවිච්ට එරෙහිව ද බ්‍රිතාන්‍යය සහ ඇමරිකානු සම්බාධක පනවා ඇත්තේ ඔහුට එවැනි සම්බාධක ක්‍රියාත්මක නොකරන ලෙස යුක්රේන ජනාධිපති සෙලෙන්ස්කි ඉල්ලීමක් කර තිබිය දී බව සඳහන්.