වික්ටර් රත්නායකයන් ගාලුමුවදොර අරගලයට එක් වෙයි..අවුරුදු කුමාරයෙක් නිසා අරගලය උණුසුම් වූ හැටි මෙන්න.(PHOTOS)
Aruna
ගාලු මුවදොර පැවැත්වෙන අරගලය අද (14) වැනි දා වනවිටත් උණුසුම්කාරී ලෙස පැවැත්වෙනවා.
තරුණ තරුණියන් හා වත්මන් පාලනයට එරෙහි වන බොහෝ දෙනා එම අරගලය හා සම්බන්ධ වී සිටින ආකාරය දැකගත හැකි යි.
එසේ ම, නොයෙක් අවස්ථාවල දී විවිධ ක්ෂේත්‍රයන්ට අයත් විශිෂ්ට පුද්ගලයන් ද තරුණයන්ට සහාය වෙමින් මෙම අරගලයට පැමිණෙන ආකාරය විස්මය දනවන්නක්.
පෙරේ දා (12) වැනි දා හෙළයේ ගී කෝකිලාවිය හෙවත් නන්දා මාලිනිය ද මෙම අරගලයට පැමිණි අතර, එය අරගලකරුවන්ට මහත් වූ සවියක් වුණා.
එසේම අද උදෑසන අවුරුදු උදාවත් සමඟ, ලාංකේය සුභාවිත ගීතයේ විසල් සුලකුණක් වන ආචාර්‍ය වික්ටර් රත්නායකයන් ද අරගල භූමියට පැමිණ සිටි අයුරු දැකගන්නට ලැබුණා.
තරුණ තරුණියන්ගේ උණුසුම් පිළිගැනීම හා ගරුත්වය වික්ටර් රත්නායකයන්ට නො අඬුව ලැබීමත් එහි දී පෙනුණ විශේෂ දසුනක්.
මේ අතර අරගල භූමියේ තරුණයෙකු අවුරුදු කුමාරයෙකු ලෙස කොලඅතු වලින් සැරසී සිටින අයුරුද දකින්නට ලැබුණා.
මෙය කාගේත් අවධානයට යොමු වුණ දසුනක්ද වීම විශේෂත්වයක්.
සිව්දෙසින් ගලා එන තොරතුරු සැමට කලින්, එසැනින් දැන ගන්න පුවත් WhatsApp,වෙත පිවිසෙන්න.... |
