ආහාර වර්ග 617ක් පිස ලෝකයම මවිත කළ ෂෙෆ් දාමු දිවි ගමනට සමුදෙයි

ඉන්දියාවේ ප්‍රකට සූපවේදියෙකු වන ෂෙෆ් දාමු (Chef Damu) වයස අවුරුදු 72දී අභාවප්‍රාප්ත වී තිබේ.

සෞඛ්‍ය ගැටලු හේතුවෙන් චෙන්නායි හි පෞද්ගලික රෝහලක සතියක පමණ කාලයක් ප්‍රතිකාර ලබමින් සිටි ඔහු අද (25) උදෑසන මියගොස් ඇති බව වාර්තා වේ.

දමෝදරන් යන සැබෑ නාමයෙන් හැඳින්වුණු ෂෙෆ් දාමු, ඉවුම් පිහුම් ක්ෂේත්‍රයේ සුවිශේෂී දක්ෂතා දැක්වූ ප්‍රවීණයෙකි. ඉන්දියාවේ ප්‍රමුඛ පෙළේ තරු හෝටල් රැසක සේවය කළ ඔහු, විවිධ රටවල ආහාර සංස්කෘතීන්ට අයත් ආහාර වර්ග සකස් කිරීමේ විශේෂඥයෙකු ලෙස ප්‍රසිද්ධියට පත්ව සිටියේය. 2010 වසරේදී පැය 24යි මිනිත්තු 30යි තත්පර 12ක කාලයක් අඛණ්ඩව ආහාර වර්ග 617ක් පිසීමෙන් ඔහු ගිනස් ලෝක වාර්තාවක් පිහිටුවීමට සමත් විය.

“මුදල් දීලා කටඋත්තර ගන්න හැදුවා” - කාවන්තිස්ස හස්තියාගේ සිද්ධිය ගැන ගම්වාසීන්ගෙන් චෝදනාවක්

2004 වසරේදී මදුරාසි විශ්වවිද්‍යාලයෙන් අවන්හල් කළමනාකරණය සහ සූපශාස්ත්‍ර තාක්ෂණය සම්බන්ධ ආචාර්ය උපාධියක් හිමිකරගත් පළමු ඉන්දීය සූපවේදියා ලෙසද ඔහු හැඳින්වේ. ඉවුම් පිහුම් කලාව වෙනුවෙන් කළ විශිෂ්ට සේවය අගයමින් ඉන්දීය මධ්‍යම රජය විසින් ඔහුට පද්ම ශ්‍රී සම්මානය පිරිනමා තිබේ.  

සූපශාස්ත්‍ර ක්ෂේත්‍රයට පමණක් සීමා නොවූ ෂෙෆ් දාමු, රූපවාහිනී වැඩසටහන් ඔස්සේ ද විශාල ජනප්‍රියත්වයක් හිමිකර ගත්තේය. විජේ රූපවාහිනියේ විකාශය වූ “Cooku with Comali” වැඩසටහනේ ප්‍රධාන විනිශ්චයකරුවෙකු ලෙස කටයුතු කළ ඔහු, තම සුවිශේෂී විලාසය සහ ආකර්ෂණීය පෞරුෂය හේතුවෙන් ප්‍රේක්ෂකයන් අතර ජනප්‍රිය විය. එමෙන්ම, චිත්‍රපට කිහිපයකට සහ වෙබ් කතා මාලාවකට ද රංගනයෙන් දායක වී ඇති ඔහු, විවිධ ක්ෂේත්‍ර ඔස්සේ සිය දක්ෂතා ප්‍රදර්ශනය කළ කලාකරුවෙකු ද විය.

ෂෙෆ් දාමුගේ දේහය අවසන් ගෞරව දැක්වීම සඳහා චෙන්නායි හි කොඩම්බක්කම් ප්‍රදේශයේ පිහිටි ඔහුගේ නිවසේ තැන්පත් කර තිබේ. ඔහුගේ අභාවය පිළිබඳව ඉන්දීය සිනමා ක්ෂේත්‍රයේ පුද්ගලයන්, සූපවේදීන් ඇතුළු විවිධ පාර්ශ්වයන් ශෝකය පළ කරමින් සිටිති. සූපශාස්ත්‍ර කලාවටත්, රූපවාහිනී විනෝදාස්වාද ක්ෂේත්‍රයටත් අමරණීය මතක රැසක් එක් කළ ෂෙෆ් දාමුගේ නික්ම යාම ඉන්දීය කලා හා සූපශාස්ත්‍ර ක්ෂේත්‍රයට විශාල පාඩුවකි.

ගෑස් ගන්න බලාගෙන ඉන්න අයට සුබ ආරංචියක් - ලිට්‍රෝ වෙතින් දැවැන්ත තීරණයක්

දිලුක්ෂි එක රැයකින් වයිරල් වෙයි.. කවුරුත් නොසිතූ විදිහට දිලුක්ෂි වෙනස් වෙයි