ට්‍රම්ප් පරිපාලනය ලංකාවේ ඇමරිකානු තානාපතිනි ජුලී ඇතුළු තානාපතිවරුන් 30ක් යළි කැඳවයි…

අමෙරිකානු ජනාධිපති ඩොනල්ඩ් ට්‍රම්ප්ගේ දෙවැනි පාලන කාලයේදී, ඔහුගේ “America First” ප්‍රතිපත්තියට සම්පූර්ණයෙන්ම අනුගත වන පිරිස් සමඟ රාජ්‍ය තාන්ත්‍රික ප්‍රතිපත්ති ක්‍රියාත්මක කිරීමේ කොටසක් ලෙස, රටවල් 29කට ආසන්න ප්‍රමාණයක අමෙරිකානු තානාපතිවරුන් සහ ජ්‍යෙෂ්ඨ රාජ්‍ය තාන්ත්‍රික නිලධාරීන් 30කට ආසන්න පිරිසක් යළි කැඳවීමට තීරණය කර ඇත.

මෙම නිලධාරීන් සියලු දෙනාම හිටපු ජනාධිපති ජෝ බයිඩ්න්ගේ පරිපාලනය විසින් පත් කළ වෘත්තීය රාජ්‍ය තාන්ත්‍රිකයන් වන අතර, ඔවුන්ගේ ධුර කාලය ජනවාරි මාසයේදී අවසන් කිරීමට පසුගිය සතියේ වොෂිංටන්හි නිලධාරීන්ගෙන් දැනුම්දීම් ලැබී ඇත.

සෞදි අරාබියේ මරණ දඬුවම් වාර්තාගත ලෙස ඉහළට

මෙම තානාපතිවරියන්ගේ ධුර කාලය සාමාන්‍යයෙන් වසර 3-4ක් පමණ වුවද, ඔවුන් ජනාධිපතිවරයාගේ පෞද්ගලික නියෝජිතයන් බැවින් මෙවැනි වෙනස්කම් සිදු කිරීම ජනාධිපතිවරයාගේ අයිතිය බව අමෙරිකානු රාජ්‍ය දෙපාර්තමේන්තුව අවධාරණය කරයි.

ශ්‍රී ලංකාවේ අමෙරිකානු තානාපතිනී ජූලි චං මහත්මියද මෙම කැඳවීමට ලක්ව ඇති අතර, ඇය 2022 පෙබරවාරි මාසයේ සිට කොළඹ සේවය කරමින් සිටියාය.

''කොදු නාරටිය හයිය මගේම පාසලේ සහෝදරියක්! ආඩම්බරයි නංගී ''සිරිමාවෝ තවත් ප්‍රසිද්ධ ආදී ශිෂ්‍යාවක් කට අරී

අප්‍රිකාව: රටවල් 13ක් (බුරුන්ඩි, කැමරූන්, කේප් වර්ඩ්, ගැබන්, ඉවෝරි කෝස්ට්, මැඩගස්කර්, මොරීෂස්, නයිජර්, නයිජීරියාව, රුවන්ඩා, සෙනගල්, සෝමාලියාව, උගන්ඩාව ආදිය) – බොහෝමයක් බලපෑමට ලක්ව ඇති කලාපය.

ආසියා-පැසිෆික්: රටවල් 6ක් (ෆිජි, ලාඕස්, මාෂල් දූපත්, පැපුවා නිව් ගිනියා, පිලිපීනය, වියට්නාම් ආදිය).

යුරෝපය: රටවල් 4ක් (ආර්මේනියාව, උතුරු මැසිඩෝනියාව, මොන්ටිනිග්‍රෝ, ස්ලෝවැකියාව).

මැදපෙරදිග: රටවල් 2ක් (ඇල්ජීරියාව, ඊජිප්තුව).

දකුණු හා මධ්‍යම ආසියාව: රටවල් 2ක් (නේපාලය, ශ්‍රී ලංකාව).

බටහිර අර්ධගෝලය: රටවල් 2ක් (ග්වාටමාලාව, සුරිනාම්).

මෙම නිලධාරීන් තම රාජ්‍ය තාන්ත්‍රික සේවයේ රැකියා අහිමි නොකර වොෂිංටන්හි නැවත පත්වීම් සඳහා වාර්තා කළ යුතු බව වාර්තා වේ. මෙම වෙනස්කම් සම්බන්ධයෙන් සමහර කොංග්‍රස් මන්ත්‍රීන් සහ රාජ්‍ය තාන්ත්‍රිකයන්ගේ සංගමයේ සැලකිල්ලක් ඇති වී ඇති අතර, රාජ්‍ය දෙපාර්තමේන්තුව මෙය “ඕනෑම පරිපාලනයක සම්මත ක්‍රියාවලියක්” ලෙස ආරක්ෂා කරයි.

අස්වැසුම පළමු අදියරේ තොරතුරු යථාවත් කිරීම ගැන දැනුම්දීමක්