යුක්රේනය මුළු ලෝකයෙන්ම විශේෂ ඉල්ලීමක් කරයි..රුසියාවට රතු එළියක්.

රුසියාව විසින් යුක්රේනය තුළ හමුදා මෙහෙයුමක් ආරම්භ කර අදට මාසයක කාලයක් සම්පූර්ණ වනවා.

ඒ අනුව මේවනවිටත් යුක්රේනයේ නගර රැසක ගැටුම් ක්‍රියාත්මක වෙමින් පවතිනවා.

රුසියානු හමුදාව විසින් යුක්රේනය ඉලක්ක කර අඛණ්ඩව ගුවන් ප්‍රහාර එල්ල කරන අතර යුක්රේනය ද ප්‍රතිප්‍රහාර එල්ල කරමින් සිටී.

ආක්‍රමණය ආරම්භ කළ දින සිටම රුසියාවේ අපේක්ෂාව වූයේ යුක්රේනයේ කිව් අගනුවර අල්ලා ගැනීමයි.

එහෙත් යුක්රේනයෙන් එල්ල වුණු අනපේක්ෂිත ප්‍රහාරයන් හමුවේ කිව් අගනුවර අල්ලා ගැනීමට රුසියානු හමුදාවට මෙතෙක් හැකි වී නොමැති බවයි විදෙස් මාධ්‍ය වාර්තා කළේ.

වැඩිදුරටත් විදෙස් මාධ්‍ය පැවසුවේ,යුක්රේනය එල්ල කරන ප්‍රහාර හේතුවෙන් රුසියානු හමුදාවට කිව් අගනුවරින් පසුබැසීමට සිදුවී ඇති බවයි.

මේ අතර රුසියාවට එරෙහිව පෙළගැසෙන්නැයි යුක්රේනය ලොව සියලු වැසියන්ගෙන් ඉල්ලීමක් කරනවා.

යුක්රේන ජනාධිපති ව්ලොඩිමීර් ස්ලෙනෙස්කි පැවසුවේ රුසියාවේ යුක්රේන ආක්‍රමණයට එරෙහිව ලෝකවාසීන් සියලුදෙනා වීථි බැසිය යුතු බවයි.

යුක්රේනයට සහය විමට හා නිදහසට සහය ලබාදීම සඳහා යුක්රේනයේ සංකේතයක් ද රැගෙන සමායේ නාමය වෙනුවෙන් පෙළගැසෙන ලෙසයි ඉංග්‍රීසි බසින් ලෝක ප්‍රජාව අමතමින් යුක්රේන ජනාධිපතිවරයා ඉල්ලීමක් කළේ.