පද්මෙලා වගේ කබ්බෝ ෆෝම් කරන්න එපා - කටුනායක සිටම පොලොස්පති සැරටම අමතයි

CID - Sri Lanka Police Sri Lanka Police Bandaranaike International Airport Priyantha Weerasooriya Sinhala news
By Mithu Aug 30, 2025 05:21 PM GMT
Mithu

Mithu

Report

සංවිධානාත්මක අපරාධකරුවන් පිරිසක් වන කෙහෙල්බද්දර පද්මේ ඇතුළු පිරිස ඉන්දුනීසියාවේ සිට අද දින ශ්‍රී ලංකාව වෙත රැගෙන ඒම සිදුවිය. එම අවස්ථාවට පොලිස්පතිතුමාද සහභාගී වූ අතර ඔහු කටුනායක ගුවන්තොටුපළ ආශ්‍රිත ප්‍රදේශයේ සිට මාධ්‍යවේදීන් නැගූ විශේෂ ප්‍රශ්න කිහිපයකට පිළිතුරු ලබා දුන්නේය.

ඔහු සඳහන් කරන ආකාරයට සමාජ මාධ්‍ය ඒ වගේම ජන මාධ්‍ය කීපයක් මෙවැනි අපරාධකරුවන් ඉහළට ඔසවා තැබූ බව පවසයි. නමුත් මේ වගේ කබ්බ ෆෝර්ම් කරන්න එපා කියලා එතුමා සුද්ද සිංහලෙන්ම මාධ්‍ය ඉදිරියේ ප්‍රකාශ කළේය.

දහස් සංඛ්‍යාත පවුල්වල සාමාජික සාමාජිකාවන්ගේ ජීවිත දුකට ඇද දැමූ මෙවැනි සංවිධානාත්මක අපරාධකරුවන් සමාජයෙන් කොන් කළ යුතු බව ඔහු වැඩිදුරටත් සඳහන් කළේය. එමෙන්ම ශ්‍රී ලංකා පොලිසියේ සියලුම නිලධාරීන් පිළිබඳව ඔහු තුළ ඇත්තේ නිහතමානී ආඩම්බරයක් බවත් ඉදිරියේදීත් මෙවැනි සංවිධානාත්මක අපරාධකරුවන් රැසක් ගෙන ඒමට සියලු වැඩ පිළිවෙළවල් සකස් කරමින් පවතින බවත් සඳහන් කළේය.

ඒ අතරතුර මෙවැනි අපරාධ කරුවන් නීතියේ රැහැනට හසු කර ගැනීමේ දී පොලිසියේ පුද්ගලයන්ටත් පාතාලෙන් මරණ තර්ජන එල්ල වන නිසා ඒ පිළිබඳ බියක් නැතිද කියා ඇසූ අවස්ථාවකදී පොලිස්පතිතුමා සඳහන් කළේ එලෙස බියකින් පොලිස් සේවයෙන් නිරත විය නොහැකි බව සහ සේවයට බිය කෙනෙක් නම් අනිවාර්යෙන්ම පොලිස් සේවයෙන් වහා ඉවත් වී ගෙදර යා යුතු බවත් ඔහු සඳහන් කළේය.

ඒ වගේම ශ්‍රී ලංකා පොලිසියේ නිර්භීත නිලධාරීන් රැසක් සිටිනවා වගේම ඔවුන් ආරක්ෂා කිරීමටද එතුමා නිරන්තරයෙන්ම කටයුතු කරන බව වැඩිදුරටත් සඳහන් කළේය.