පද්මේ ඇතුළු පාතාලයන් රැගත් ගුවන් යානය පිටත් වේ. කටුනායක නවතම තත්ත්වය මෙන්න
කෙහෙල් බද්දර පද්මය ඇතුළු පාතාලයන් රැගත් ගුවන් යානය මේ වන විට ඉන්දුනීසියාවෙන් ලංකාව බලා පිටත් වී ඇති බවට ආරංචි මාර්ග සඳහන් කරයි.
ඒ අනුව ඔවුන් කටුනායක ජාත්යන්තර ගුවන් තොටුපළට පැමිණීමට නියමිත බව සඳහන්. පද්මේ ඇතුළු පාතාලයන් පිරිස බාර ගැනීම සඳහා දැඩි ආරක්ෂාවක් යටතේ අපරාධ විමර්ශන ඒකකයේ නිලධාරීන් පිරිසක් කටුනායක ගුවන් තොටුපළ වෙත පිටත් වී ඇත.
ඒ අනුව මේ වන විට කටුනායක ගුවන් තොටුපළ අසල දැඩි ආරක්ෂාවකින් යුතු බවත් ඒ වෙනුවෙන් විශේෂ ආරක්ෂක වැඩ පිළිවෙලක් ක්රියාත්මක කර තිබේ.
ඒ අනුව ගුවන් හමුදාවේ විශේෂ නිලධාරීන් කොටසක් එයට අනුයුක්ත කොට තිබේ. මේ වන විට කටුනායක ගුවන් තොටුපළේ පැමිණීමේ පර්යන්තය සහ විශේෂ අමුත්තන් පැමිණීමේ පර්යන්තය වෙනුවෙන් විශේෂ ආරක්ෂක වැඩ පිළිවෙළක් ක්රියාත්මක කොට තිබෙන බව සඳහන් වේ.
ඒ අනුව දශක ගණනාවක් තිස්සේ බොහෝ දෙනකුගේ ජීවිත අවදානමටට හෙලූ කුරිරු පාතාලයන් රැසකගේ අවසන් ඉරණම මෙසේ විසඳීමට සියල්ල සූදානම්.