හලාවතින් මුහුදු ගිය ධීවරයින් දෙදෙනෙකු ගැන කිසිදු ආරංචියක් නැහැ

ධීවර රැකියාව සඳහා මුහුදු ගිය හලාවත වැල්ල ගම්මානයේ ධීවරයින් දෙදෙනෙකු අතුරුදන්ව තිබේ.

මෙම ධීවරයින් දෙදෙනා අද (19) අලුයම 2ට පමණ එක්දින ධීවර යාත්‍රාවකින් මුහුදු ගොස් ඇත.

ඉන් පසුව මොවුන් ගිය ධීවර යාත්‍රාව මුහුදේ පාවෙමින් තිබියදී තවත් ධීවර යාත්‍රාවක සිටි ධීවරයින් විසින් දැක එය ගොඩබිමට දැනුම් දී තිබේ මෙම දැනුම්දීමෙන් අනතුරුව මෙම ධීවරයින් සෙවීම මේ වන විට ආරම්භ කර ඇත.

මෙලෙස අතුරුදන්ව ඇත්තේ හලාවත වැල්ල කරුස පාඩුව පදිංචි 40 සහ 44 හැවිරිදි ධීවරයින් දෙදෙනෙකි.

ඔවුන් මුහුදු ගිය ධීවර යාත්‍රාව මේ වන විට ගොඩබිමට රැගෙන විත් ඇති අතර සිද්ධිය පිළිබඳව හලාවත වැල්ල ධීවර සමිතිය විසින් ශ්‍රී ලංකා නාවික හමුදාවට හා ධීවර දෙපාර්තමේන්තුවට දැනුම් දීමක්ද සිදුකර ඇත.  

දියේ ගිලී පුද්ගලයෙකු අතුරුදන්

පියාට නින්ද ගිය අතරේ කිරි කැටියා බිමට වැටී මරුට