මේ පැතිවලින් ඉඩම් අරන් ඉවරයි - කොළඹ අබිබවා තදාසන්න නගරවල ඉඩම් මිල ශීඝ්‍රයෙන් ඉහළට

ශ්‍රී ලංකාවේ ඉඩම් වෙළඳපොළ 2025 වසර තුළ කැපී පෙනෙන වර්ධනයක් අත්කරගෙන ඇති බව ලංකා ප්‍රොපර්ටි වෙබ් (LPW) ආයතනයේ නවතම දත්ත වාර්තා දක්වයි.

ඒ අනුව අඳාළ වාර්තාවෙන් පෙන්වා දෙන්නේ මින් පෙර පැවති තත්ත්වයට වඩා වෙනස් වෙමින්, ආයෝජකයින්ගේ අවධානය දැන් කොළඹ නගරයෙන් බැහැරව තදාසන්න නගර වෙත යොමුව ඇති බවයි.

එසේම මෙම වාර්තාවට අනුව කොළඹ 1 සිට 15 දක්වා ප්‍රදේශවල ඉඩම් මිල වසරකට සාපේක්ෂව 4% කින් ඉහළ ගොස් ඇති අතර, එහි පර්චසයක සාමාන්‍ය මිල රුපියල් මිලියන 12ක් වශයෙන් සටහන් වේ.

කෙසේ වුවත් කොළඹ තදාසන්න ප්‍රදේශවල මිල ඉහළ යාම 8% ක් ලෙස වඩාත් ප්‍රබල අගයක් ගන්නා අතර, එහි පර්චසයක සාමාන්‍ය මිල රුපියල් මිලියන 2.3ක් ලෙස සඳහන් වේ.

කොළඹ නාගරික ප්‍රජාවට නරක ආරංචියක් - ජනවාරි මාසයේ

මේ අතර බස්නාහිර පළාතේ අනෙකුත් දිස්ත්‍රික්ක සලකා බැලීමේදී, ගම්පහ දිස්ත්‍රික්කයේ ඉඩම් මිල 15% කින් ඉහළ ගොස් ඇති අතර, පර්චසයක සාමාන්‍ය මිල රුපියල් 769,097 ක් වන බව සඳහන්.

තවද කළුතර දිස්ත්‍රික්කයේ ඉඩම් මිල 10% කින් ඉහළ ගොස් ඇති අතර, පර්චසයක සාමාන්‍ය මිල රුපියල් 486,396 ක් වේ.

නව නේවාසික ව්‍යාපෘති සහ යටිතල පහසුකම් සංවර්ධනය නිසා ඇතැම් නගරවල මිල 30%කට වඩා වැඩි අගයකින් ඉහළ ගොස් තිබෙන අතර, ඉහළම වර්ධනයක් පෙන්නුම් කරමින් යක්කල සහ හෝමාගම නගර දෙකේම මිල 35% කින් ඉහළ ගොස් ඇති බවට වාර්තා වේ.

ඒ අනුව, යක්කල පර්චසයක මිල රු. 831,015ක් සහ හෝමාගම පර්චසයක මිල රු. 916,912ක් ලෙස සඳහන්.

හෙට ඉඳන් මේ වැඩ පටන් ගන්නවා - හැබැයි ආයේ ග්‍රාම නිලදාරීන් එන්නේ නෑ

අඳාළ වාර්තාවට අනුව, කඩුවෙල, පන්නිපිටිය, මොරටුව සහ නුගේගොඩ යන ප්‍රදේශවලද 25% ඉක්මවූ මිල වර්ධනයක් දැකිය හැකි බව සඳහන්.

කොළඹ නගර මධ්‍යයේ මිල ඉහළ යාම සාපේක්ෂව මන්දගාමී වී තිබෙන අතර කොළඹ 10 ප්‍රදේශය 25% කින් (පර්චසය රු. මිලියන 14.5) සහ කොළඹ 04 ප්‍රදේශය 17% කින් (පර්චසය රු. මිලියන 18.8) මිල ඉහළ ගොස් ඇත.

එසේම කොළඹ 06 සහ 13 වැනි ප්‍රදේශවල මිල ඉහළ යාම අවම මට්ටමක පවතින බව සඳහන්.

රත්‍රං මිල පහළට, රත්‍රං හීනය ඉටුවෙයිද?