අරගල ලස්සනයි කියන්න බෑ,මොකද අරගල තුළ ඇත්තේ මිනිස්සුන්ගෙ දුක, කඳුළු, දාඩිය මහන්සිය මේ හැමදේම... සියලු දේපළ ජනසතු කර ජනපති නෙරපා හැරීමේ සටනට මිලියන 1.5ක වාර්තාගත අරගලකරුවන් පිරිසක් අගනුවරට ආ හැටි.. (PHOTOS)

අරගල ලස්සනයි කියලා අපිට කියන්න බෑ, මොකද අරගල ඇතුළේ තියෙන්නෙ මිනිස්සුන්ගෙ දුක, කඳුළු, දාඩිය මහන්සිය මේ හැමදේමනෙ...

ඒත් අරගලවල අවසානය... මිනිස්සුන්ගෙ එකමුතුව සහ බලාපොරොත්තු කියන දේවල් හරිම ලස්සනයි.

මේ අරගලය සිද්ධ වෙන්නේ දකුණු කොරියාවේ මධ්‍යම සෝල් නගරයේ. 2016 අවුරුද්දේ.

ඒ එවකට ජනාධිපති පාර්ක් ගුන්-හයිගේ ඉල්ලා අස්වන ලෙස ඉල්ලලා. සතිපතා විරෝධතා මාලාවකට පස්සේ මේ අරගලයේ උච්චතම අවස්ථාවට අරගලකරුවන් එලඹෙනවා.

සීත කාලගුණය සහ කන්නයේ පළමු හිම පතනය නොතකා, මිලියන 1.5ක් යැයි ඇස්තමේන්තු කර ඇති අරගලකරුවන් පිරිසක් මධ්‍යම සෝල් නගරයට එක්කාසු වෙනවා.

පෙළපාලි සාමකාමීව හා උත්සවාකාරයෙනුත් සිද්ධ වෙනවා. වීදි වෙළෙන්දෝ ඉටිපන්දම්, මෙට්ට සහ උණුසුම් කෙටි ආහාර අලෙවි කරනවා.

පාර අයිනේ වෙළඳසැල් විරෝධතාකරුවන්ට නොමිලේ කෝපි ලබා දෙනවා. මව්වරුන් දරුවන් සමඟ හෝ සුරතල් බල්ලන් කබාවලින් ඔතාගෙන විරෝධතාවට එකතු වෙනවා, ශීත සෘතුවේ කබා පොදි බැඳගත් තරුණ ජෝඩු ශබ්ද විකාශන යන්ත්‍ර මගින් පාර්ක් මහත්මිය නෙරපා හරින ලෙස ඉල්ලා සිටින ආකර්ශනීය වදන් එක්ක කවි සිංදු ගායනා කරනවා.

අවසානයේ සංකීර්ණය වටා බාධක සෑදීමට බස් රථ සිය ගණනක් සහ පොලිස් නිලධාරීන් දහස් ගණනක් යොදවන්න ජනාධිපතිට සිද්ධ වෙනවා.

එක් පෙළපාලි කන්ඩායමක් ජනාධිපති පරිශ්‍රයට යාර 200ක් දුරින් නතර වෙනවා. විරෝධතාකරුවන් ඉටිපන්දම් අතැතිව මධ්‍යම සෝල් නගරය හරහා රාත්‍රිය දක්වා ගමන් කළා.

ජනප්‍රිය ගීතවල පද වෙනුවට පාක් මහත්මිය විවේචනය කරන සහ උපහාසයට ලක් කළ වාක්‍ය ඛණ්ඩ යොදා ගනිමින් ප්‍රධාන මංසන්ධියේ රොක් සංගීතඥයෝ ප්‍රසංග කළා. සමහර අය බන්ධනාගාර නිල ඇඳුමෙන් සැරසිලා මාංචු දමා පාර්ක්ගේ ඡායාරූප රැගෙන ගියා.

අවසානයේ ජනාධිපතිවරයා වසර 25 ක සිර දඬුවමකට සහ දඩයක⁣ට යටත් කරනු ලැබුවා.