රුපියල් 10,000 මුදල් නෝට්ටුවක් මුද්‍රණය කරයි?. සම්පූර්ණ විස්තරය මෙන්න.

රුපියල් දස දහසේ (10,000) වටිනාකමට නව මුදල් නෝට්ටුවක් මුද්‍රණය කිරීමේ කිසිදු සූදානමක් නොමැති බව, මුදල් අමාත්‍යාංශය පවසනවා.

ඒ සම්බන්ධයෙන් පැතිර යන මතවල කිසිඳු සත්‍යතාවක් නොමැති බවයි අමාත්‍යාංශ ලේකම් එස්.ආර්. ආටිගල මහතා සඳහන් කළේ.

උද්ධමනය ඉහළ යාමත් සමග එවැනි සූදානමක් ඇති බවට ඇතමුන් ව්‍යාජ තොරතුරු නිර්මාණය කරමින් ඇතැයි ද ලේකම්වරයා පැවසුවා.

මේ අතර, විදේශ විනිමය සංචිත ප්‍රමාණය කඩිනමින් ඉහළ නැංවීමට අවශ්‍ය ක්‍රියාමාර්ග ගෙන තිබෙන බව ද මුදල් අමාත්‍යාංශ ලේකම්වරයා සඳහන් කළා.

මහ බැංකු අධිපතිවරයා, මේ වනවිටත් ඊට අදාළ සැලසුම් සකස් කර ඇති බවයි ඔහු පැවසුවේ.