අගමැති ලේකම්ටත් කොරෝනා..අගමැති මහින්ද පලමු පෙල ආශ‍්‍රිතයෙක් වෙයි..

අග්‍රාමාත්‍ය ලේකම් අනුර දිසානායක මහතාට කොරෝනා වෛරසය ආසාදනය වී ඇත.

රෝග ලක්ෂණ මතු වීම මත සිදුකළ පරීක්ෂණයකින් ඔහු ආසාදිත යයි හෙලිවී තිබේ.

අග්‍රාමාත්‍ය මහින්ද රාජපක්ෂ මහතාද ලේකම්වරයාගේ පළමු පෙළ ආශ්‍රිතයෙකු වී ඇත්තේ ආසන්න දිනවල අවස්ථාවන් කිහිපයකටම ඔහු සමග සමීපව කටයුතු කිරීම මතය.

මේ අතර ශ්‍රී ලංකා පොදුජන පෙරමුණේ කෑගල්ල දිස්ත්‍රික් පාර්ලිමේන්තු මන්ත්‍රිනී රාජිකා වික්‍රමසිංහට කොවිඩ් වෛරසය ආසාදනය වී තිබේ.

සුළු රෝග ලක්ෂණ කිහිපයක් මතුවීමෙන් පසුව සිදුකළ කොවිඩ් පරීක්ෂණයේදී ඇයට වෛරසය ආසාදනය වී ඇති බව තහවුරු වී තිබේ.

මේ වනවිට මන්ත්‍රීවරිය සිය නිවසේ නිරෝධායනය වෙමින් සිටින අතර බරපතල රෝග ලක්ෂණ කිසිවක් නොමැති බවයි වාර්තා වේ.

පූර්ණ එන්නත්කරණයට ලක්ව සිටින මන්ත්‍රීවරිය පසුගිය සතියේ පාර්ලිමේන්තු රැස්වීම් සඳහාද සහභාගි වී තිබේ.

මේ අනුව කොවිඩ් ආසාදිත මන්ත්‍රීවරුන් සංඛ්‍යාව 53ක් දක්වා ඉහළ යනු ඇත.

සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න....  Join now