පාසල් මඟ හරින සිසුන්ගේ දෙමාපියන්ව සිරගත කිරිමට තීරණයක් - අරමුණ ගුණාත්මක අධ්‍යාපනය ඉහළ නැංවීම..

සෞදි අරාබියේ දරුවන් දින 20ක් පාසලෙන් බැහැරව සිටියහොත් ඔවුන්ගේ දෙමාපියන්ට සිර දඬුවම් විඳීමට සිදු විය හැකි විදෙස් මාධ්‍ය වාර්තා කළේ ය.

එහි අරමුණ වන්නේ ඉදිරි අධ්‍යයන වර්ෂයේ ගුණාත්මක අධ්‍යාපනය ඉහළ නැංවීමයි.

ඒ අනුව ශිෂ්‍යයෙකු නීත්‍යානුකූල ලෙස නිදහසට කරුණක් නොමැතිව දින 20 ක් පාසලට නොපැමිණෙන්නේ නම්, ඔවුන්ගේ භාරකරු මහජන නඩු පවරන පරීක්ෂණයකට යොමු කරයි.

ඒ ජාතියේ ළමා ආරක්ෂණ නීතිය යටතේ ය.

එම පරීක්ෂණයෙන් පසුව නඩුව අධිකරණයට ඉදිරිපත් කිරීමට නියමිතයි.

එහිදී සිසුවා නොපැමිණීම සම්බන්ධයෙන් දෙමාපියන් නොසැලකිලිමත්ව කටයුතු කළ බව ඔප්පු වුවහොත්, දෙමව්පියන්ට එරෙහිව සුදුසු සිර දඬුවමක් නියම කිරීමට විනිසුරුවරයෙකුට බලය ඇත.

එහිදී සිසුවාගේ භාරකරුට එරෙහි නීතිමය ක්‍රියා පටිපාටිය අදියර කිහිපයකින් සමන්විත වේ.

මෙම සිද්ධිය සම්බන්ධයෙන් සිසුවා අයත් පාසලේ විදුහල්පතිවරයා අදාළ අධ්‍යාපන දෙපාර්තමේන්තුවට වාර්තා කිරීම අනිවාර්ය වේ.

කෙසේ වෙතත්, එහිදී රටේ අධ්‍යාපන අමාත්‍යාංශය මෙම නඩුවේ කටයුතු භාරගනු ලබන අතර පාසලට නොපැමිණීමට හේතුව තීරණය කිරීම සඳහා පවුල් ආරක්ෂණ දෙපාර්තමේන්තුව විසින් ශිෂ්‍යයාගේ සාක්ෂි එකතු කිරීමක් සිදු කරනු ලබයි.