ස්වාත් මිටියාවත ලෙයින් තෙත් වෙයි- පොලිසිය ඉදිරිපිට මරාගෙන මැරෙන ප්‍රහාරයකින් 14ක් ජීවිතක්ෂයට

පාකිස්තානයේ ස්වාත් මිටියාවතේ පොලිස් ස්ථානයක් පිටත සිදුවූ මරාගෙන මැරෙන බෝම්බ ප්‍රහාරයකින් අවම වශයෙන් පුද්ගලයින් 14 දෙනෙකු මියගොස් තවත් පිරිසක් තුවාල ලබා ඇති බව වාර්තා වේ.

ප්‍රචණ්ඩ ක්‍රියා ඉහළ යෑමට එරෙහිව විරෝධතාවක නිරත වූ ජනකායක් ඉලක්ක කර ගනිමින් මෙම ප්‍රහාරය එල්ල වී ඇත පොලිස් ස්ථානයේ ප්‍රවේශය අසලදී මරාගෙන මැරෙන බෝම්බකරු පරීක්ෂා කිරීමට පොලිස් නිලධාරීන් උත්සාහ කිරීමත් සමඟ ඔහු මෙම පුපුරුවාගැනීම සිදු කර ඇති බව වාර්තා වේ.

ප්‍රහාරයෙන් අවම වශයෙන් පුද්ගලයින් 22 දෙනෙකු තුවාල ලබා ඇති බව සඳහන්ය

ආරක්ෂක අංශ විසින් එම ප්‍රදේශය වට කර වැඩිදුර පරීක්ෂණ ආරම්භ කර ඇති අතර තුවාල ලැබූවන් ආසන්න රෝහලක් වෙත ඇතුළත් කර ඇති බවත් ඔවුන්ගෙන් කිහිප දෙනෙකුගේ තත්ත්වය බරපතළ බවත් සඳහන් වේ. ස්වාට් දිස්ත්‍රික් පොලිස් නිලධාරී (DPO) උමාර් ඛාන් පැවසුවේ, පොලිස් ස්ථානයේ ප්‍රධාන දොරටුව අසලදී සැකකරු නවතා පරීක්ෂා කිරීමට පොලිස් නිලධාරීන් උත්සාහ කළ අවස්ථාවේදී ඔහු තම මරාගෙන මැරෙන පුපුරණ ද්‍රව්‍ය පුපුරුවා හැර ඇති බවයි.

ස්වාට් නියෝජ්‍ය පොලිස්පති ෆිඩා හුසේන්ට අනුව, මෙම ප්‍රහාරයෙන් අවම වශයෙන් පුද්ගලයින් 22 දෙනෙකු තුවාල ලබා ඇත. ප්‍රහාරයේ වගකීම මෙතෙක් කිසිදු කණ්ඩායමක් භාරගෙන නොමැත.

පිපිරීම සිදුව ඇත්තේ කලාපයේ වැඩිවෙමින් පවතින ප්‍රචණ්ඩත්වය මැඩපැවැත්වීම සඳහා රජය වහාම ක්‍රියාමාර්ග ගත යුතු බව ඉල්ලා අසල මංසන්ධියක රැස්ව සිටි සිය ගණනක් ජනතාව අසලදීය.

අවසන් කථිකයා රැස්ව සිටි පිරිස අමතමින් සිටියදී මෙම පිපිරීම සිදුවීමත් සමඟ ජනතාව අතර දැඩි භීතියක් හටගෙන බොහෝ දෙනා එම ස්ථානයෙන් පලා ගියහ.

2009 වසරේ හමුදා මෙහෙයුමකින් පසු ටෙහ්රීක්-ඊ-තලේබාන් පකිස්ථානය (TTP) කලාපයෙන් පලවා හැරියද, නැවත වරක් ස්වාට් නිම්නයේ ප්‍රචණ්ඩ ප්‍රහාර ඉහළ යාම හෙළා දැකීම සඳහා මෙම විරෝධතාව සංවිධානය කර තිබුණි. එම කාලයේදී ස්වාට් නිම්නය TTP සංවිධානයේ ප්‍රධාන බලකොටුවක් ලෙස සැලකුණි.

මගීන් 250ක් ගත් ඉන්දුනීසියානු තොටුපළක් මුහුද මැදදී ගිනි ගනී - 5ක් මරුට, 41ක් අතුරුදහන්

විරෝධතාකරුවන් චෝදනා කළේ සටන්කාමීන් අවට කඳුකර ප්‍රදේශවල විවෘතව ක්‍රියාත්මක වන අතර, ඔවුන්ගේ ක්‍රියාකාරකම් සමාජ මාධ්‍ය ඔස්සේද ප්‍රසිද්ධියට පත්ව තිබියදී, බලධාරීන් සාමකාමී පුරවැසියන් මර්දනය කිරීමට පමණක් අවධානය යොමු කර ඇති බවයි

"අපි වසර ගණනාවක් පුරා ලේ වැගිරීම් දැක තිබෙනවා. අපට තවත් වැන්දඹුවන් සහ අනාථ දරුවන්ගේ පරම්පරාවක් අවශ්‍ය නැහැ," යැයි එක් කථිකයෙක් පාකිස්තාන මාධ්‍යයක් වන ඩෝන් වෙත ප්‍රකාශ කර තිබේ.