ඊච්චලම්පත්තුවට අලුත් පොලිසියකට කැබිනට් අනුමැතිය

ඊච්චලම්පත්තුව පොලිස් ස්ථානයේ පරිපාලන ගොඩනැගිල්ල ඉදිකිරීමට කැබිනට් අනුමැතිය ලැබී ඇති බවට සඳහන් වේ.

ත්‍රිකුණාමල දිස්ත්‍රික්කයේ කන්තලේ, ඊච්චලම්පත්තුව පොලිස් ස්ථානය දැනට කුඩා ගොඩනැගිලි කිහිපයක ඉතා දුෂ්කර අන්දමින් පවත්වා ගෙන යනු ලබන අතර, ඒ හේතුවෙන් පොලිස් ස්ථානයේ රාජකාරි කරනු ලබන නිලධාරින් මෙන්ම සේවය ලබා ගැනීම සඳහා පැමිණෙන මහජනතාව ද දැඩි අපහසුතාවන්ට පත්ව ඇත.

බදු නිසා මේ පනත සංශෝධනය කරයි

එම තත්ත්වය මග හරවා ගැනීම පිණිස ඊච්චලම්පත්තුව පොලිස් ස්ථානය සඳහා නව පරිපාලන ගොඩනැගිල්ලක් ඉදිකිරීමට සැලසුම් කර ඇති අතර, ඒ සඳහා වන ඇස්තමේන්තුගත පිරිවැය රුපියල් මිලියන 75.94ක් ලෙස වාර්තා වේ.

ඒ අනුව, යෝජිත ව්‍යාපෘතිය 2026-2028 මධ්‍ය කාලීන අයවැය රාමුව තුළ ක්‍රියාත්මක කිරීමටත්, ව්‍යාපෘතියේ උපදේශන සේවාවන් ඉංජිනේරුමය කාර්යයන් පිළිබද මධ්‍යම උපදේශක කාර්යාංශය වෙතින් ලබා ගැනීමටත් මහජන ආරක්ෂක සහ පාර්ලිමේන්තු කටයුතු අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

සිම්පත් සම්බන්ධයෙන් අනිවාර්ය නීතියක් ප්‍රකාශයට