කිරිපිටි මිල හා තිරිඟු පිටි මිල ගැන දැනුම්දීමක්

වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍යංශ පවසන්නේ මෙරට ආනයනික කිරිපිටි මිල සහ තිරිඟු පිටි මිල කිසිසේත් ඉහළ නොදමන බවයි. අද (23) කිරිපිටි ආනයනකරුවන් හා තිරිඟු පිටි සමාගම් වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා හමුවූ අවස්ථාවේදී මේ බව සහතික කර ඇත.

පවතින යුදමය තත්ත්වය හේතුවෙන් සැපයුම් හා බෙදාහැරීමේ ජාලයන්ට එල්ලවී ඇති බලපෑම් හා අඛණ්ඩ සැපයුමක් පවත්වා ගෙන යාම පිළිබඳ සාකච්ඡාවක් මෙම දෙපිරිස අතර පවත්වා ඇත.

සිල්ලර බඩු හා ගමන් වියදම් අහසට - ජනතාව පීඩාවෙන් පීඩාවට

එහිදී ඔවුන් එම පොරොන්දුව ලබා දුන් බව වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන අමාත්‍යංශය නිවේදනය කළේය. ඉන්ධන මිල ඉහළ යාම සහ ඩොලරයේ අගය තම නිෂ්පාදන පිරිවැයට යම් බලපෑමක් එල්ල කළ ද මෙම අසීරු අවස්ථාවේ ජනතාව වෙනුවෙන් රජය සමඟ එක්ව ජනතාවට යම් සහනයක් ලබාදීම අපේක්ෂාව බව එම සමාගම් ප්‍රකාශ කර ඇත.

තවත් මාස තුනක කාලයකට ප්‍රමාණවත් ආනයනික කිරි පිටි හා තිරිඟු පිටි තොග සැපයීම පිළිබඳ සහතික විය හැකි බවත්, එළඹෙන අලුත් අවුරුදු සමය අවසන් වන තෙක් කිසිදු ආකාරයක මිල වැඩි කිරීමක් සිදු නොකරන බවත් ආනයනික කිරිපිටි සමාගම් සහ තිරිඟු පිටි සමාගම් අමාත්‍යවරයා වෙත තහවුරුවක් ලබා දුනි.

ට්‍රම්ප්ගේ ප්‍රකාශ තවදුරටත් වලංගු නෑ - ට්‍රම්ප්ව ගනන් ගන්නේ නැති බව ඉරානෙන් අපහාස

එමෙන්ම ඉන්ධන කෝටාව හේතුවෙන් බෙදා හැරීම්වලට බලපෑම් එල්ල වී ඇති බව ආනයනික කිරි පිටි හා තිරිඟු පිටි සමාගම් අමාත්‍යවරයාට පෙන්වාදෙන ලදී. ආහාර බෙදා හැරීමේ ක්ෂේත්‍රයේ නියුතු ප්‍රවාහන සේවා සපයන්නන්ගේ ඉන්ධන අවශ්‍යතා හඳුනා ගැනීමට සහ එම අංශයේ සැලසුම්කරණය විධිමත් කිරීම අරමුණු කර ගනිමින් හඳුන්වා දුන් විශේෂ දත්ත රැස්කිරීමේ වැඩසටහනට ලියාපදිංචි වන ලෙස එහිදී අමාත්‍යවරයා සමාගම් වෙත උපදෙස් ලබා දුන් බව වැඩිදුරටත් සඳහන්ය.