ක්‍රිකට් ලෝකයම දන්නා සූර්යකුමාර්ගේ පවුල නරේන්ද්‍ර මෝදි හමුවෙයි - ලෝක රන් පදක්කමත් මෝදි අතට දෙයි

ඉන්දීය අග්‍රාමාත්‍ය නරේන්ද්‍ර මෝදි සහ හිටපු ඉන්දීය විස්සයි20 ක්‍රිකට් නායක සූර්යකුමාර් යාදව් අතර විශේෂ හමුවක් සිදුව තිබේ.

ඒ අනුව අද (06) සිකුරාදා ඉන්දියාවේ නවදිල්ලි නුවරදී අග්‍රාමාත්‍යවරයා සූර්යකුමාර් යාදව් සහ ඔහුගේ පවුලේ සාමාජිකයන් හමුවී ඇති බව ඉන්දීය මාධ්‍ය වාර්තා කරයි.

මෙම හමුව අතරතුර සූර්යකුමාර්ගේ කුඩා දරුවන් සමඟද අග්‍රාමාත්‍යවරයා සුහදව කාලය ගත කරන අයුරු දැකගත හැකි වී තිබේ.

ලෝක කුසලාන රන් පදක්කමත් මෝදි අතට

මෙම හමුවේදී සූර්යකුමාර් යාදව් 2026 ICC විස්සයි20 ලෝක කුසලානයේදී ඉන්දියාව ලැබූ ජයග්‍රහණය වෙනුවෙන් හිමිවූ රන් පදක්කම පැළඳ සිටීම විශේෂත්වයකි.

එහිදී අග්‍රාමාත්‍ය නරේන්ද්‍ර මෝදි එම රන් පදක්කම අතට ගෙන නිරීක්ෂණය කර ඇති අතර, එම අවස්ථාව ඉන්දීය ක්‍රිකට් කණ්ඩායමේ ඓතිහාසික ජයග්‍රහණය සිහිපත් කරන විශේෂ අවස්ථාවක් බවට පත්ව තිබේ.

මෝදි සිය X ගිණුමේ සටහනක් තබමින් මෙවර දීපවාලි උත්සවයට රාම දෙවියන්ගේ සහ සරයු ගංගාවේ පැමිණීම හේතුවෙන් එහි අධ්‍යාත්මික වැදගත්කම තවත් ඉහළ ගොස් ඇති බවද සඳහන් කර තිබේ.

IPL 2027ට පෙර ක්‍රිකට් පිටියේ ලොකු පෙරළියක් - ක්‍රීඩක මාරුවීම් අතර හර්දික් ගැනත් අලුත් ආරංචියක්

සූර්යකුමාර්ගේ ක්‍රිකට් ගමන

සූර්යකුමාර් යාදව් 2022 සහ 2023 වසරවලදී ICC වසරේ විස්සයි20 ක්‍රිකට් ක්‍රීඩකයාට හිමි සම්මානය දිනාගැනීමට සමත් විය.

2022 ඔක්තෝබර් මාසයේදී ICC විස්සයි20 පිතිකරණ ශ්‍රේණිගත කිරීම්වල පළමු ස්ථානයට පැමිණි ඔහු, 2023 ජනවාරි මාසයේදී ලකුණු 910ක ඉහළම ශ්‍රේණිගත කිරීමක්ද හිමිකරගෙන තිබේ.

2024 විස්සයි20 ලෝක කුසලානය ජයගත් ඉන්දීය කණ්ඩායමේ සාමාජිකයෙකු වූ ඔහු, පසුව නායකත්වය යටතේ 2026 විස්සයි20 ලෝක කුසලානයද ඉන්දියාවට දිනාදීමට සමත් විය.

එම ජයග්‍රහණයත් සමඟ විස්සයි20 ලෝක කුසලාන ශූරතාව අඛණ්ඩව දෙවරක් දිනාගත් පළමු කණ්ඩායම බවට ඉන්දියාව පත්විය.

එමෙන්ම ඔහුගේ නායකත්වය යටතේ ඉන්දියාව 2025 විස්සයි20 ආසියානු කුසලානයද ජයගැනීමට සමත් විය.

කෙසේ වෙතත්, 2026 ලෝක කුසලාන ජයග්‍රහණයෙන් අනතුරුව අයර්ලන්තය සහ එංගලන්තය සමඟ පැවැත්වීමට නියමිත තරග ඇතුළත් බ්‍රිතාන්‍ය සංචාරය සඳහා නම් කළ ඉන්දීය විස්සයි20 සංචිතයෙන් සූර්යකුමාර් ඉවත් කර තිබිණි.

පසුව පන්ජාබ් කිංග්ස් කණ්ඩායමේ නායකත්වය යටතේ දැක්වූ දක්ෂතා සැලකිල්ලට ගනිමින් ශ්‍රෙයාස් අයියර් ඉන්දීය විස්සයි20 කණ්ඩායමේ නව නායකයා ලෙස පත්කර ඇති බවද වාර්තා වේ.

“මම ඔහුව හැමවිටම ඉහළින් අගය කළා” - සචින්ගේ වාර්තාවට ළංවන ජෝ රූට් ගැන සචින්ගෙන්ම විශේෂ ප්‍රකාශයක්