ගල්අඟුරු නැව් 5ක් හදිසියේ අරන් රුපියල් මිලියන 2,280කට වැඩි පාඩුවක් - මරික්කාර් මන්ත්‍රීවරයා පාර්ලිමේන්තුව හොල්ලයි

 ප්‍රමිතියෙන් තොර ගල්අඟුරු භාවිතය සහ හදිසි ගල්අඟුරු මිලදී ගැනීම් හේතුවෙන් රුපියල් මිලියන 18,368ක පාඩුවක් සිදුව ඇති බව පාර්ලිමේන්තු මන්ත්‍රී එස්. එම්. මරික්කාර් මහතා සදහන් කර තිබේ එතුමා මේ අදහස් පළකලේ අද පාර්ලිමේන්තුව අමතමිනි .

යටිතල පහසුකම් සහ උපාය මාර්ග සංවර්ධනය පිළිබඳ ආංශික අධීක්ෂණ කාරක සභාව සිදුකළ විමර්ශනයේදී මෙම කරුණු අනාවරණය වූ බව එතුමා සදහන් කර ඇත .

විධිමත් තත්ත්ව පරීක්ෂාවකින් තොරව ආනයනික ගල්අඟුරු තොග භාවිතයට ගැනීම සම්බන්ධයෙන් විදුලිබල අමාත්‍යාංශයේ අතිරේක ලේකම්වරයාගේ ප්‍රධානත්වයෙන් පත් කළ කමිටුවේ වාර්තාව ඉදිරිපත් කරමින් මන්ත්‍රීවරයා මේ බව සදහන් කර ඇත .

එම වාර්තා වලට අනුව ප්‍රමිතියෙන් තොර ගල්අඟුරු වැඩිපුර භාවිත කිරීම, අතිරේක නඩත්තු කටයුතු, අළු ප්‍රවාහනය සහ විදුලි නිෂ්පාදනය අඩුවීම හේතුවෙන් අමතර වියදම් දැරීමට සිදුව ඇත

ප්‍රමිතියෙන් තොර ගල්අඟුරු වැඩිපුර භාවිත කිරීමෙන් රුපියල් මිලියන 7,099ක පාඩුවක් ද, අතිරේක නඩත්තු කටයුතු සඳහා රුපියල් මිලියන 80.4ක වියදමක් ද, අතිරේක අළු ප්‍රවාහනය සඳහා රුපියල් මිලියන 13.1ක වියදමක් ද සිදුව ඇති බව මරික්කාර් මහතා වැඩිදුරටත් සදහන් කර තිබේ

තවද මෙගාවොට් 300ක විදුලි නිෂ්පාදනයක් අහිමිවීම හේතුවෙන් විකල්ප විදුලිය මිලදී ගැනීම සඳහා රුපියල් මිලියන 8,572ක් වැය වී ඇති බවද ඔහු සඳහන් කළේය. මරික්කාර් මන්ත්‍රීවරයා තව දුරටත් සදහන් කළේ ගල්අඟුරු නැව් පහක් හදිසි මිලදී ගැනීම් හේතුවෙන් රුපියල් මිලියන 2,284ක පාඩුවක් ද, හදිසි මිලදී ගැනීමේ නෞකාව ප්‍රමාද වීම හේතුවෙන් රුපියල් මිලියන 402.8ක පාඩුවක් ද සිදුව ඇති බවයි ත

වද මරික්කාර් මන්ත්‍රීවරයා තව දුරටත් සදහන් කළේ ලෝක වෙළෙඳපොලේ ඩීසල් මිල ඉහළ යාමත් සමඟ රජය ලබාදුන් රුපියල් 100ක සහනාධාරය සහ ලංකා ඛනිජ තෙල් නීතිගත සංස්ථාව දැරූ පාඩුව මෙම ගණනය කිරීම්වලට ඇතුළත් කර නොමැති බවයි එම වියදම් සහ පාඩුද ගණනය කරන ලෙස අදාළ පාර්ශ්වයන්ට උපදෙස් ලබාදී ඇති බව සඳහන් කළ මන්ත්‍රීවරයා, ඒ අනුව දැනට හඳුනාගෙන ඇති සමස්ත පාඩුව රුපියල් මිලියන 18,368.89ක් බව පාර්ලිමේන්තුව වෙත සදහන් කර ඇත.