ජනපති අපේක්ෂකයෙකු ප්‍රවර්ධනය කිරීමට මුදල් බෙදු ව්‍යාපාරිකයා අත්අඩංගුවට...
Parami Dissanayake
ජනාධිපති අපේක්ෂකයකු ප්‍රවර්ධනය කිරීම සදහා රුපියල් 5000 බැගින් අවට පදිංචි නිවැසියන්ට බෙදාදුන් බව කියන ව්‍යාපාරිකයකු අත්අඩංගුවට ගත් බව මුතූර් පොලිසිය වාර්තා කර සිටිනවා.
වයස අවුරුදු 26 ක කින්නියා ප්‍රදේශයේ පදිංචි ව්‍යාපාරිකයකු මෙසේ අත්අඩංගුවට ගෙන ඇති බව පොලිසිය පවසයි.
ජනාධිපතිවරණය ඉලක්ක ගත කරමින් සැකකරු පෙරිය මුල්ල පාලම අසල පුද්ගලයකුගේ නිවෙසේ මුදල් බෙදාදීමක් සිදුකර බවට මුතූර් පොලිසිය ලද තොරතුරකට අනුව පොලිස් කණ්ඩායමක් එම ස්ථානයට ගොස් සිදුකළ විමර්ශනවලින් අනතුරුව නිවෙසේ සිටි සැකකරු අත්අඩංගුවට ගෙන ඇත.
අත්අඩංගුවට ගත් සැකකරු ජනාධිපති අපේක්ෂකයකු ප්‍රවර්ධනය කිරීම සදහා අවට පදිංචි පුද්ගලයන්ට රුපියල් 5000 බැගින් බෙදාදී ඇත.
එමෙන් ම, එම ප්‍රදේශයේ වෛද්‍යවරයකු ඉදිරියේදී දේශපාලනට පිවිසීම අරමුණු කරගෙන ජනාධිපති අපේක්ෂවරයා ප්‍රවර්ධනය කර ඇති බව අනාවරණය වී ඇත.
